एमाले र फोरमवीच सहमतीपत्रमा आज हस्ताक्षर हुने !

2/27/2018 गते 00 00 मा प्रकाशित 635 पटक पढिएको

काठमाण्डौ १६ फागुन ।नेकपा एमाले र संघीय समाजवादी फोरमले सक्बिधान संशोधन सम्बन्धी प्रारम्भिक खाका तयार पारेका छन । दुबै राजनीतिक दलवीच सहमतीपत्रमा सम्भवतः आज हस्ताक्षर हुने छ । सहमतीपत्रमा हस्ताक्षर भइरसकेपछि फोरमले पाउने मन्त्रालयबारे टुंगो लाग्नेछ।

दुवै दल सम्मिलित अनौपचारिक कार्यदलका नेताहरुले सहमतिको नजिक पुगेको बताउँदै बुधबार सहमतिपत्रमा हस्ताक्षर हुने बताएका छन्। कार्यदलले गरेको सहमतिलाई दुवै दलका शीर्ष नेताले अध्ययन गरिरहेका छन्।

फोरमलाई सरकारमा ल्याउने प्रयास स्वरुप एमालेले संविधान संशोधनमा लचकता देखाएको हो। फोरम सरकारमा सहभागी भएसँगै वर्तमान सत्ता गठबन्धन दुई तिहाइको बन्नेछ। यसका साथै, फोरम सरकारमा आए प्रदेश २ मा मधेस आन्दोलनले उठाएका राजनीतिक मुद्दा व्यवस्थापन गर्न सकिने प्रधानमन्त्री एवं एमाले अध्यक्ष केपी ओलीको विश्वास छ।

दुबैदलका नेता सम्मिलित अनौपचारिक कार्ययलले तयार पारेको सहमतीका बिषयहरु यस्ता छन ।
१. संविधान संशोधन गरेर सम्बोधन गर्नुपर्ने विषयलाई उचित समयमा संशोधन गर्ने।

२. आपसी सहमतीका आधारमा संशोधनको प्रक्रिया अगाडि बढाउने।

३. संविधान संशोधनका एजेन्डामा आधारित माग र मुद्दालाई सरकार आफैंले अगाडि बढाउने।

४. फोरमसहितको सहभागितामा नयाँ सरकारको नीति र कार्यक्रम ल्याउने।

५। संघीय समाजवादी फोरम के.पी.ओली नेतृत्वको नयाँ सरकारमा सहभागी हुने।

प्रधानमन्त्री ओलीले परराष्ट्र मन्त्रालय लिएर सरकारमा आउन फोरमलाई प्रस्ताव गरेका छन । फोरमले परराष्ट्रसहित दुई मन्त्रालय र एक राज्यमन्त्रीको माग गरेको छ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।