रोटरीको दशौ अधिवेशन शुक्रवारबाट बीरगंजमा शुरु

2/16/2018 गते 00 00 मा प्रकाशित 939 पटक पढिएको

बीरगंज ४ फाल्गुण ।
रोटरी ईन्टरनेशनलको १० औं अधिवेशन शुक्रवारबाट वीरगंजमा शुरु भएको छ ।

तीन दिन सम्म चल्ने अधिवेशनलाई आज एक बिशेष कार्यक्रम गरी उद्घाटन गरिएको छ । वीरगंजकोे होटल भिस्वामा सम्पन्न उद्घाटन कार्यक्रमलाई वीरगंजका मेयर बिजय सरावगी र रोटरी ईन्टरनेशनलका उपाध्यक्ष हेन्ड्रिन हलि रोहर्सले संयुक्त रुपमा उद्घाटन गरेका हुन ।

अधिवेशनमा रोटेरीयनहरु जयाराज्य लक्ष्मी शाह, राजेश केडिया, योगेन्द्रमान श्रेष्ठ, तिर्थराज शाक्य,पर्साका प्रमुख जिल्ला अधिकारी बिनोदप्रकाश सिंह,बाराका प्रमुख जिल्ला अधिकारी बिजय नारायण मानन्धर ,संघिय ईकाई प्रहरीक कार्यालय बीरगंजका बरिष्ठ प्र्रहरी उपरिक्षक सुर्यप्रकाश उपाध्याय, नेपाल पत्रकार महासंघ पर्साका अध्यक्ष श्याम बन्जारा लगायतको सहभागिता रहेको थियो ।

अधिवेशनमा नेपाल र भुटानका करिव बाह्र सय रोटेरियनहरुको सहभागिता रहेको डिस्ट्रिक्ट गर्भनर संजय गिरीले जानकारी दिए ।

अधिवेशनमा नेपालबाट कनकमणि दिक्षित, डा. युवराज खतिवडा,शान्तालक्ष्मी श्रेष्ठ,भिष्म पंडित, भारतबाट स्वपन मुखर्जी र संदिप नारंगाले सम्बोधन गर्ने कार्यक्रम रहेको सुष्मा शर्माले जानकरी दिइन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।