माघ २६ सुवर्णपुर ।
पर्साको ठोरी गाउँ पालिका वडा नं ४  र ३ मा आ-आफना मागहरु लिएर  वडावासीहरु आन्दोलीत छन । वडा नं ४का बासिन्दाहरु वडा नं ५ का बासिन्दाले गर्दै गरेको आन्दोलनको बिरुद्ध आन्दोलीत छन । गाउँपालिकाको केन्द्रको माग गर्दै आन्दोलीत वडा नं ३ का बासिन्दाले भने शुक्रवार देखी बिद्यालय बन्द गरेका छन ।

 वडा नं ४का बासिन्दाहरुले आज बन्द हडताल विरुद्ध शान्ति ¥याली निकालेका छन् । उनीहरुले विद्युत् पोल ढाल्नेलाई  कार्वाही गर बन्द हडताल  फिर्ता गर ,गाउँ पालिकाको सम्पत्ति जलाउनेलाई कार्वाही गर जस्ता नाराहरु लगाउँदै गाउँ परिक्रमा गरेका थिए ।

वडा नं ४ को मिलचोकबाट सुरु भई गुम्बालाइन , विजयबस्ती , गोपीबस्ती हुँदै मालीबस्तीसम्म पुगी पुनः विजयबस्ती , फायरलाइन , विशालचोक हुँदै मिलचोकमा समापन भएको थियो ।

 निरन्तरको बन्द हडतालले जनजीवनलाई कष्टकर बनाउँदै लगेको हुँदा त्यस्तो बन्द फिर्ता लिन र वार्ताद्वारा समस्याको समाधान खोज्न आव्हान गर्दै आज शान्ति र्यालीको आयोजना गरिएको र्यालिमा सहभागीहरुले जनाएका छन।

यसैवीच गाउँपालिका केन्द्रको माग राखेर आन्दोलनमा उत्रिएको वडा न ३ को संघर्ष समितिले आजबाट बिधालय बन्द गराएको छ।बन्दकर्ताहरुले बिहानैदेखि ब्रम्हानगर ,बुद्धनगर लगायतका मुख्य चोकहरुमा नाराबाजी गरेका थिए ।

मिलचोकमा शान्तिपुर्ण बिरोध कार्यक्रममा हस्तक्षेप भएको भन्दै बन्द सशक्त पार्न आजबाट बिद्यालय बन्द गरिएको आन्दोलनकारीहरुले जनाएका छन् ।यस वडामा पर्ने एउटा मावि सहित ५ वटा सामुदायिक र ३ वटा निजि बिधालयहरुको पठनपाठन आजबाट ठप्प भएको छ।

आज दिउँसो मात्र संघर्ष समितिले वडा न ३ का निर्वाचित प्रतिनिधिहरु संग आफ्नो माग र आन्दोलनका कार्यक्रमबारे अन्तरक्रिया गरेको थियो।

उता माघ १५ को ठोरी गाउँपरिषदको निर्णय खारेजीको माग राखेर आन्दोलनरत सुवर्णपुरबासिहरुले आज ११ औं दिन पनि आन्दोलन जारी राखेका छन् ।

केही दिनअघि मिलचोकमा शान्तिपुर्ण आन्दोलनमा अबरोध गरेको आक्रोशमा गाउँपालिका कार्यालयमा तोडफोड र फर्निचरमा आगजनी गरेका आन्दोलनकारीहरुले आज लाठी जुलुस निकालेका हुन।सुवर्णपुरको आन्दोलनकारी र ठोरी गाउँपालिका बिच पहिलो चरणको वार्ता सम्पन्न भैसकेको छ र एकसाता भित्र दोस्रो चरणको वार्ता गरिने सहमति भएको थियो।

यसैबीच ठोरी गाउँपालिकामा माघ १५ को परिषदको निर्णयको समर्थन र बिरोधमा दिनहुुँ प्रदर्शन हुन थालेपछि प्रहरीले सुरक्षा सतर्कता बढाएको छ।शान्तिपुर्ण कार्यक्रममा कुनै अप्रिय घटना नहोस भनेर प्रहरी सचेत भएको भन्दै बिरोध कार्यक्रम हुने स्थलमा नेपाल प्रहरी र सशस्त्र प्रहरी तैनाथ गरिएको ईलाका प्रहरी कार्यालय ठोरीका प्रहरी निरीक्षक लोकेन्द्र सिंह गुरुले बताए ।