बीरगंज २४ माघ । गाउँपालिकाको केन्द्रm सार्ने ठोरी गाउँपालिकाको निर्णयका बिरुद्ध ठोरी ५  सुपर्णपुरका बासिन्दाले बुधवार गाउँपालिका कार्यालयमा तोडफेड र आगजनी गरेका छन । 

उनीहरुले गाउँपालिकाको केन्द्र सार्ने गाउँ सभाको निर्णय खारेज गर्न माग गर्दै कार्यालयमा तोडफोड गर्नुको साथै कार्यालयभित्रका कुर्सी, टेबल र कागजपत्र बाहिर निकालेर आगो लगाइदिएका हुन् । उनीहरुले गाउँपालिका अध्यक्षको विरोधमा नाराबाजी गर्दै केन्द्र सार्ने निर्णय फिर्ता गर्नुपर्ने माग गरेका छन् ।

कालो झण्डा बोकेर सुवर्णपुरबाट ठोरी जाँदै गरेको मोटरसाइकल र्‍यालीलाई वडा नं ४ मिलचोकमा केहि युवाहरुले रोकेर अवरोध गरेपछि आन्दोलन चर्किएको हो । मिलचोकमा र्‍यालीमा सहभागीहरुलाई ढुंगा हान्नुको साथै कालो झण्डा खोसेर लगेको आरोप आन्दोलनकारीहरुले लगाएका छन् ।

मिलचोक गाउँपालिकाका अध्यक्ष पदमलाल श्रेष्ठ (पिएल० को गाउँ हो । यसअघि पनि मिलचोकमा माघ २२ गते वडा नं ३ का प्रदर्शनकारीहरु सुवर्णपुर वडा नं ५ हुँदै र्फकने क्रममा झण्डा खोसेर जलाइएको थियो ।

गाउँपालिकाको सुवर्णपुरमा रहेको सेवा केन्द्र सारेको विरोधमा आन्दोलनमा उत्रेका स्थानीय वासिन्दासँग मंगलबारमात्रै वार्ता भएको थियो । त्यसको भोलिपल्टै सुवर्णपुरबासीले आगजनी गरेका हुन् ।

वार्ता समितिका संयोजक विश्वराज घिमिरेले वार्तामा भएको सहमतिको विपरीत शान्तिपूर्ण आन्दोलनमा अवरोध गरेका कारण आन्दोलनले उग्र रुप लिएको बताए ।

‘मुर्दावाद र जिन्दावादको नारासमेत नलगाई मेरै नेतृत्वमा र्‍याली लिएर ठोरी जाँदै थियौं । ढुंगामुढा गर्ने, झण्डा खोस्ने काम भयो’ उनले भने ‘त्यसले गर्दा आन्दोलनकारी आक्रोशमा आएर गाउँपालिकाको भवनमा तोडफोड गर्नुको साथै गाउँपालिका कार्यालयमा रहेको समान जलाएका छन् । आक्रोशित भिडलाई नियन्त्रण गर्न सकिएन ।’

मोटरसाइकल र्‍याली ठोरीको चौतारामा पुगेर कोण सभा गर्ने योजना अनुसार गएको भए पनि अवरोध भएका कारण बीचबाटै र्फकनुपरेको उनले बताए ।

जिल्ला समन्वय समिति पर्साका उपसभापति ठाकुरप्रसाद न्यौपानेको पहलमा ठोरी गाउँपालिका र गाउँपालिकाको वडा नं ५ सुवर्णपुरका आन्दोलनरतपक्षबीच विजयबस्तीमा मंगलबार भएको वार्तामा शान्तिपूर्ण प्रदर्शनमा कसैले पनि अवरोध नगर्ने सहमति भएको थियो ।

गत माघ १५ गते ठोरी गाउँपालिकाको प्रथम गाउँ परिषदले वडा नं ५ सुवर्णपुरमा रहेको केन्द्र वडा नं ४ घ्याङडाँडामा सार्ने निर्णय गरेपछि सुवर्णपुरवासी संघर्ष समिति नै गठन गरेर माघ १६ गतेदेखि आन्दोलनमा छन् ।
यसैवीच बन्द हडताल फिर्ता गर्न माग गर्दै बुधवार रामनगरमा प्रदर्शन गर्नुका साथै ,प्रतिकार समिति गठन भएको छ ।

ठोरी गाउँपालिकाको वडा न ३ रामनगरमा बन्द हडतालको बिरोध गर्दै आज प्रदर्शन गरिएको छ।स्थानिय सर्वसाधारण ,महिला,युवाहरू लगायत करीब १०० जना भन्दा बढिले बन्द हडताल फिर्ता गर भन्दै पैदल ¥याली गरेका हुन।रामनगरदेखि शुरु भएको ¥याली बुद्ध नगरमा गएर कोणसभामा परिणत भएको थियो  ।

हातमा प्लेकार्ड बोकेका प्रदर्शनकारीहरुले बन्द हडताल फिर्ता गर,जनताको जनादेश पालना गर,विकासको काममा सहयोग गर,राजनीति मागी खाने भाडो नबनाउ,बिजुलीको पोल भाच्नेलाई कारबाही गर भन्दै नाराबाजी समेत गरेका थिए ।

यसैबीच आज नै ठोरी गाउँपालिका वडा न ३ रामनगरमा बन्द हडतालको बिरोध गर्न प्रतिकार समिति गठन गरिएको छ।पुष्कर भुजेलको नेतृत्वमा ५१ सदस्यीय प्रतिकार समिति गठन गरिएको रामनगरका युवा ललित बस्नेतले जानकारी दिए।