गौतम र साहलाई गिरी पुरस्कार

2/6/2018 गते 00 00 मा प्रकाशित 954 पटक पढिएको

बीरगंज २३ माघ ।
नेपाल पत्रकार महासंघ पर्साले स्थापना गरेको स्वर्गीय पत्रकार गोपाल गिरि क्रियाशिल स्मृती पुरस्कार पत्रकार महेसचन्द्र गौतम र ध्रुब साहलाई दिने निर्णय भएको छ ।

दुबैलाइ नगद २५ / २५ हजार र प्रमाणपत्रले आगामी फागुन १ गते पुरस्कृत गरिने भएको छ । गोपाल गिरी बीरगंज उपमहानगरपालिकाको मेयर हुदा २०६० साल माघ १ गते माओवादीहरुले हत्या गरेका थिए ।

त्यो भन्दा अगाडि स्व. गिरीले नेपाल पत्रकार महासंघ पर्साको नेतृत्व गरिसकेका थिए । स्व. गिरी अध्यक्ष हुदा २०५० सालमा बीरगंजमा भएको नेपालका पत्रकारहरुको सम्मेलनले पहिलो पटक आचार सहिता निर्माण गरेको थियो । स्व.गिरीको हत्या पछि नेपाल पत्रकार महासंघ पर्सा शाखाले उनको योगदानको सम्झना चीर स्थायी राख्नकालागि उनको स्मृतिका पुरस्कार दिने घोषणा गरेको हो ।

पुरस्कारबाट मुकुन्द आचार्य,के.सी.लामिछाने,ओमप्रकाश खनाल ,बिम्मी शर्मा,शितल महतो,राजु श्रेष्ठ शत्रुघ्न नेपाल श्याम बन्जारा लगायतका पत्रकारहरु पुरस्कृत भइसकेका छन ।

यो पटक दुई वर्षका पुरस्कारहरु बितरण गरिएको छ । पुरस्कार फाल्गुण १ गते बितरण गरिने नेपाल पत्रकार महासंघ पर्साका अध्यक्ष श्याम बन्जाराले जानकारी दिएका छन ।

नेपाल कम्युनिष्ट पार्टीका नेता हेमन्त प्रकाश वली “सुर्दशन”ले मुलुकमा एकिकृत जनक्रान्तिको आवश्यकता रहेको बताएका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।