अनशनमा अस्थायी शिक्षकहरु,साँझ मशाल जुलुस भोली बीरगंज बन्द

2/3/2018 गते 00 00 मा प्रकाशित 1069 पटक पढिएको

वीरगंज २० माघ ।
सरकारले प्रदेश प्रमुख र अस्थायी राजधानी तोक्ने बित्तिकै त्यसको बिरोधमा बीरगंजमा शुरु भएको आन्दोलन अझै जारी छ । ३१ दिन राजधानीको माग गर्दै बीरगंजको घण्टाघरमा रिले अनशनमा अस्थायी शिक्षकहरु बसेका छन ।

अनशनमा बसेका शिक्षकहरुलाई नेपाली कांग्रेस पर्साका पूर्व सभापति तथा पूर्व सासद राजेन्द्र बहादुर अमात्याले माला लगाएर अनशनमा बसाएका थिए ।

प्रदेश नं. २ को राजधानी वीरगंजलाई बनाउनु पर्ने माग गर्दै बीरगंजमा चरणबद्ध आन्दोलन जारी नै छ । भोली अस्थायी राजधानी जनकपुरमा प्रदेश सभाको पहिलो बैठक बस्दै छ । यता आन्दोलनकारीहरुले भोली बीरगंज बन्दको आव्हान गरेका छन ।

राजधानीको माग गर्दै शुरु भएको आन्दोलनमा नागरिकको सहभागिता बढ्दो छ । आफनो शहरको बिषयमा राजपा र फोरम नेपालबाट निर्वाचित भएका जनप्रतिनिधिहरुले केही नवोलेको भन्दै असन्तोषका आवाजहरु पनि सुनिन थालेका छन ।

बीरगंज सघंर्ष समितिको चरणबद्ध आन्दोलनको घोषणा गरे अनुसार आज साँझ बीरगंजमा मशाल जुलुस प्रर्दशन गरिने भएको छ । समितिले बीरगंज राजधानी हुन नहुने तर्क सरकारले दिन सक्नु पर्ने बताएको छ ।

बन्दको क्रममा एम्बुलेन्स, दमकल, कुटनैतिक नियोगका सवारी साधन, दुधको गाडी, अस्पतालको गाडी, सञ्चार माध्यमको सवारी साधन शिक्षालयका सवारीहरु निर्वाद्ध रुपमा संचालन हुने एमालेका युवा नेता मनोज चौधरीले बताए । उद्योग, ब्यवपार, कलकारखाना, शैक्षिक संस्था, यातायात लगायत बजार पुर्ण ठप्प हुने उनले बताए ।

पर्सा, बारा लगायतको जिल्लाको विकास र समृद्धिको सवाल रहेकोले यो बन्दलाई सफल पार्न उद्योगी, व्यवसायी, व्यपारी, युवा वर्ग, राजनीतिक दल, किसान, शैक्षिक संस्था लगायत सम्पूर्णमा सर्वसाधारणमा समितिका प्रवक्ता ओम प्रकाश सर्राफले आव्हान गरेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।