प्रदेशको राजधानी बनाउने आन्दोलन थप शशक्त हुने , बीरगंजको बिरोध गर्नेलाई प्रबेश निषेध

1/20/2018 गते 00 00 मा प्रकाशित 974 पटक पढिएको

माघ ६ बीरगंज ।
प्रदेश नं २ को राजधानी बनाउन असहयोग गर्ने नेताहरुलाई वीरगञ्जमा प्रवेश निषेध गरिने भएको छ ।

वीरगञ्जलाई प्रदेश नं २ को राजधानी बनाउनुपर्ने माग राखेर आन्दोलन गर्दै आएको संघर्ष समितिको शनिबार बसेको बैठकले त्यस्तो निर्णय गरेको हो ।

माघ ७ गते हुने वीरगञ्ज महानगरपालिकाको पहिलो नगर सभा उद्घाटनका लागि संघिय समाजवादी फोरम नेपालका अध्यक्ष उपेन्द्र यादव आउने पूर्व निर्धारित कार्यक्रमलाई लक्षित गरेर संघर्ष समितिले निषेधको नीति अपनाएको स्रोतले जनाएको छ ।

माघ ३ गते जनकपुरलाई अस्थायी राजधनी तोकेर वीरगञ्जप्रति कुठाराघात गरेको संघर्ष समितिको ठहर छ । बैठकले आन्दोलनलाई थप प्रभावकारी बनाउनका लागि गाउँ गाउँमा अभियान परिचालन गर्ने निर्णय समेत गरेको छ ।

संघर्ष समितिका सह संयोजक एवं पूर्व सभासद राजकुमार गुप्ताको अध्यक्षतामा बसेको बैठकले वीरगञ्जलाई प्रादेशिक राजधानी बनाउन असहयोग गर्ने नेताहरुलाई वीरगञ्जमा प्रवेश निषेध गर्ने निर्णय गरेको काँग्रेसका युवा नेता अरविन्द गुप्ताले जानकारी दिए ।

त्यस्तै बैठकले आन्दोलनलाई सशक्त बनाउन माघ ८ गते सोमबार घण्टाघर स्थित अनशल स्थलमै सर्वपक्षीय अन्र्तक्रिया र माघ १३ गते शनिबार आमसभा गर्ने निर्णय गरेको छ । संघर्ष समितिको आव्हानमा १६ दिनदेखि वीरगञ्जको घण्टाघरमा रिले अनशन पनि चलिरहेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।