सरकारी निर्णयका बिरुद्ध बिहिवार बीरगंज बन्द आव्हान

1/17/2018 गते 00 00 मा प्रकाशित 1757 पटक पढिएको

वीरगंज ३ माघ । सरकारले प्रदेश प्रमुख र अस्थायी राजधानी तोक्ने बित्तिकै त्यसको बिरोधमा प्रर्दशन शुरु भएका छन । बीरगंजमा सरकारी निर्णयका बिरुद्ध घण्टाघरमा टायर बालेर बिरोध प्रर्दशन भयो ।

सरकारी निर्णयको बिरोधमा संघीय समाजवादी फोरम नेपाल र राजपाले समेत कडा प्रतिक्रिया जनाए । दुबै संगठनले निर्णयको बिरोध गर्दै साँझ बीरगंजको माइस्थानमा प्रधानमंत्री शेर बहादुर देउवाको पुत्ला दहन गरेका छन ।

प्रदेश नं. २ को राजधानी वीरगंजलाई बनाउनु पर्ने माग गर्दै बीरगंजमा चरणबद्ध आन्दोलन जारी नै थियो । आज १३ औ दिन बीरगंजका चिकित्सकहरुले रिले अनशनमा आफनो सहभागिता जनाएका थिए ।

आन्दोलनको भावनाको अपमान गर्दै अस्थायी राजधानी जनकपुर तोकिएपछि आन्दोलनरत बीरगंज सघंर्ष समितिले सरकारी निर्णय मान्य नहुने प्रतिक्रिया दिएको छ । सरकारको यो निर्णय मान्न सकिदैन समितिका संह संयोजक राजकुमार गुप्ताले भने बीरगंज राजधानी हुन नहुने तर्क सरकारले दिन सक्नु पर्छ । निर्णयको बिरोधमा आन्दोलन कडा पार्ने उनले बताए । उनले बिहिवार बीरगंजको बन्दको आव्हान गरिएको जानकारी दिए ।

प्रादेशिक राजधानीको माग गर्दै बिगत १३ दिन देखि वीरगंजको घण्टाघरमा रिले अनसन जारी रहदा पनि सरकारले कुनै वास्ता नगरेकोले बाध्य भएर बिहिवार बन्दको आह्वान गरिएको वीरगंज संघर्ष समितिका सह संयोजक गुप्ताले जनाए ।

बन्दको क्रममा एम्बुलेन्स, दमकल, कुटनैतिक नियोगका सवारी साधन, दुधको गाडी, अस्पतालको गाडी, सञ्चार माध्यमको सवारी साधन निर्वाद्ध रुपमा संचालन हुने समितिका प्रवक्ता ओमप्काश सर्राफले बताए ।

उद्योग, ब्यवपार, कलकारखाना, शैक्षिक संस्था, यातायात लगायत बजार पुर्ण ठप्प हुने उनले बताए । पर्सा, बारा लगायतको जिल्लाको विकास र समृद्धिको सवाल रहेकोले यो बन्दलाई सफल पार्न उद्योगी, व्यवसायी, व्यपारी, युवा वर्ग, राजनीतिक दल, किसान, शैक्षिक संस्था लगायत सम्पूर्णमा सर्वसाधारणमा सर्राफले आव्हान गरेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।