रिले अनशन जारी, बीरगंजलाई सर्मथन प्राप्त हुदै
वीरगंज, पुस २२
सरकारले अस्थायी राजधानी नतोक्ने निर्णय गरेपनि बीरगंजमा भने राजधानीको माग गर्दै शुरु गरिएको आन्दोलन जारी छ । २१ गते देखी शुरु भएको रिले अनशनमा यस क्षेत्रका नागरिकहरुको सहभागिता बढदो रहेको छ ।
अनशनको पहिलोदिन नै अनशनस्थलमा राखिएको उपस्थिति पुस्तिकामा सर्लाही रौतहट बारा पर्सा चितवन लगायतका ब्यक्तिले हस्ताक्षर गरेर बीरगंलाई राजधानी बनाउने अभियानप्रति एैक्यवद्धता जनाएका छन ।
प्रदेश नं २ को राजधानी वीरगञ्जलाइ बनाउनुपर्ने माग राखेर चरणवद्ध आन्दोलनमा उत्रेको संघर्ष समितिले आज दोस्रो दिन पनि रिले अनशनलाई निरन्तरता दिएको छ ।
पूर्व सांसद एवं एमाले नेता राजकुमार गुप्ताको नेतृत्वमा माओवादी महिला नेतृ दुर्गा क्षेत्री, नेपाल महिला मंच पर्साका पूर्व अध्यक्ष रेखा साह, रानी देवी श्रीवास्तव नेविसंघका केन्द्रीय सदस्य सुधिर पटेल, एमाले युवा नेताहरु यशवन्त यादव, संजिव मिश्रा, तेजप्रकास निसाद,अकलेश साह नेविसंघका नेता बद्रीनारायण तिवारी, गरी १० जना अनसनमा बसेका छन ।
अनशनमा बसेका नेताहरुलाई वीरगंज उद्योग वाणिज्य संघका अध्यक्ष एवं प्रदेशसभाका सदस्य ओमप्रकाश शर्मा, वडा नं. २७ का वडा अध्यक्ष प्रदिप यादव र एमालेका नेता शम्भु गुप्ताले फुलमाला र खादा ओढाई स्वागत गरेका थिए ।
वीरगंजलाई प्रादेशिक राजधानी घोषणा नगरे सम्म आन्दोलनका कार्यक्रम जारी रहने एमाले नेता राजकुमार गुप्ताले बताए । वीरगंज राजधानीको लागि सवै दृष्टिकोणले उत्कृष्ट रहेकोले वीरगंजको बिकल्प नखोज्न उनले चेतावनी समेत दिएका छन ।
रिले अनशनको पहिलो दिन हिजो पूर्व मन्त्री एवं नेपाली काँग्रेसका नेता सुरेन्द्र चौधरी, एमालेका बसरुद्धिन अन्सारी, शम्भु गुप्ता, युवा नेता ओमप्रकाश सर्राफ, माओवादी नेतृ दुर्गा क्षेत्री, वीरगञ्ज युवा समाजका अध्यक्ष कमल चौगाई, रुदल ठाकुर, सञ्जय सर्राफ, महमुद अन्सारी, वृजेश चौधरी, रञ्जु दहाल गरी १२ जना बसेका थिए ।
सम्बन्धित शीर्षकहरु
वीरगंज । प्रवासी नेपाली मंच बेल्जियमको सातौ अधिवेशनले बिनोद न्यौपानेलाई सर्वसम्मत रुपमा अध्यक्ष चयन गरेको छ ।
वीरगंज। भारतले बुधबार पाकिस्तान र पाकिस्तान नियन्त्रित कश्मीर (पीओके) मा रहेको ‘आतङ्कवादी केन्द्रहरु’ नौ स्थानमा हमला गरेको घोषणा गरेको छ ।
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
वीरगंज । वीरगंज महानगरपालिकाले लगातार तेस्रो वर्ष राष्ट्रपति रनिङ शिल्ड प्रतियोगितामा प्रथम स्थान हासिल गर्दै शिल्ड आफ्नो स्थायी स्वामित्वमा ल्याएको छ ।
वीरगन्ज । नेकपा एमालेका सल्लाहकार शिव पटेलले क्रिकेट मैदान निर्माण कार्यका एक कार्यक्रमकावीच शिलान्यास गरेका छ ।
तपाईको प्रतिक्रिया