बीरगंज ५ पौष । 
बीरगंजको सुपर ग्यासमा बिहान साढे ६ बजे देखी लागेको आगो दिउसो साढे ३ बजे नियन्त्रणमा आएको छ । अपराह्न ३ बजेतिर पूर्णरुपमा नियन्त्रणमा आएको आगो निभाउन सुरक्षाकर्मी र स्थानीय एस्टिङ्गुइसर र भिजेको बोरा लिएर दिउँसो एक बजेमात्र उद्योगमा प्रवेश गर्न सफल भएका थिए ।

स्थानीय केनालाल राउतकाअनुसार आगो बल्न कम भएपछि ग्यास लिक भएको पाइपसम्म पुगेका सुरक्षाकर्मी र स्थानीयले एस्टिङ्गुइसर स्प्रे गरेर आगो निभाएका थिए । लगत्तै भिजेको बोराले लिक भएको पाइप छोपेर लिक भएको ग्यास बन्द गरेको उधोगका प्रवन्धक दिवाकर खड्काले बताउनु भयो ।

     वीरगञ्ज महानगरपालिकाको वडा नम्बर १४ गण्डक नहर नजिक रहेको सुपर ग्यास उद्योगमा बिहान आगो लागेको हो । बिहान उधोगका बुलेटबाट ग्यास लिक भएपछि उधोगका कर्मचारीहरु भागेको प्रवन्धक खड्काले बताए । ग्यास लिक भएपछि स्थानीय प्रहरी प्रशासनलाई खवर गरेको उनले बताए । स्थानीय प्रशासनले बीरगंज महानगरको बारुणयन्त्र उधोग स्थलमा पठाउन लगाएको हो । उधोगमा पुगेको बरुणयन्त्रले उधोग परिसरमा पसेर पानीको पाइप मिलाएर चेक गर्नकालागि बारुण यन्त्र स्टार्ट गर्दा आगलागी भएको घटनास्थलमा रहनु भएको प्रहरी नायव निरिक्षक यज्ञ चौलागाईले बताए  ।

     गाडी स्टार्ट गर्दा आगोको झिल्को फाल्यो (स्पार्क ग¥यो ) अनी आगो लाग्यो चौलागाईले भने  । ग्यास लिक भएको सूचना पाएपछि जिल्ला प्रहरी कार्यालय पर्साले आवश्यक कुरा बुझ्न गण्डक चौकीका प्रमुख चौलागाई उधोग मा पठाएको हो । ग्यास बगेको देखिन्थ्यो उहाँले भन्नु भयो स्टयाण्डबाई राख्नु पर्ने दमकल स्टार्ट भएपछि आगोलाग्यो अनी ज्यान जोगाउन भागियो । चौलाईगाईको खुट्टा खालि थिए भने प्रहरी हवलदार ब्रहमनारायणको जीउ हिलाम्मे भएको थियो ।

उधोगमा लागेको आगोको लप्काले बरुणयन्त्रका कर्मचारीहरुलाई लपेट्यो । बरुणयन्त्रका यादव अधिकारी मदुसुदन मिश्रको ज्यान गयो । संजीव नेपाल र अरुण महतो गम्भिर घाइते भएका छन । घाइते दुबैलाई थप उपचारकोलागि बिहान पौने ११ बजे हेलीकप्टर मार्फत काठमाण्डौ लगिएको छ ।
 ग्यास लिक किन भयो भन्ने बिषयमा उधोगले केही खुलाएको छैन । तर ग्यास लिक भएपछि उधोगका कर्मचारीहरु उधोग छाडेर भागेको घाइते भएका उधोगका कर्मचारी अमिका राउत कुर्मीले बताए । उनको बीरगंजको हेल्थकेयर अस्पतालमा उपचार भइरहेको छ । उधोगमा रहेको ग्यास बुलेटमा जर्वजस्ती क्षमता भन्दा बढी ग्यास भर्न खोज्दा ग्यास लिक भएको स्रोतले बताएको छ । 

 उद्योगमा जडान गरिएका तीनवटा बुलेटमा आगो लाग्ने र त्यो पड्किने आशंकामा स्थानीय प्रशासनले उधोग नजिकका बस्तीकाबासिन्दालाई सुरक्षीत स्थानमा जान अपिल ग¥यो ।

 आगो निभाउन उधोगमा पस्ने सक्ने अवस्था नभएपछि स्थानीयलाई सुरक्षीत स्थानमा सार्ने काममा स्थानीय प्रशासनले प्रथामिकता दिएको थियो ।

जनधनको क्षति हुन नदिनका लागि प्रहरीले माइकिङ गरेर वरिपरीको बस्तीलाई खाली गराइरहेको छ । आगो नियन्त्रणमा जान सक्ने अवस्था थिएन  । ग्याँसबुलेट विस्फोट हुँदा लामो ठाउँसम्म प्रभाव पार्ने भएकोले चिन्तित रहेका स्थानीय बासिन्दा आगो नियन्त्रणमा आएपछि भने ढुक्क छन । उनीहरु आगो नियन्त्रणमा आएपछि  घर फर्किएका छन ।

   
आगलागी नियन्त्रण गर्नका लागि रक्सौलबाट बारुणयन्त्र आएको थियो । त्यस्तै कलैया उपमहानगरपालिका सिमरा लगायतका स्थानबाट बारुणयन्त्र झिकाइएको थियो ।

पर्साका प्रमुख जिल्ला अधिकारी बिनोद प्रकाश सिंहले डिजेल पेट्रोलबाट भएको आगलागीलाई नियन्त्रण गर्न सक्ने प्रविधि उपलब्ध हुने सक्ने बताए  । तर उनले ग्यासबाट लागेको आगो निभाउने कुनै यन्त्र आफूहरुसंग नरहेको स्पष्ट पारे ।

 ग्यास उधोगमा लागेको आगो नियन्त्रण नआएपछि स्थानीय प्रशासनले भने अनुसार नै स्थानीय बासिन्दाहरु बस्ती छाडेर बाहिरिए । मनियारी,भवानीपुर, इटियाही,जगरनाथपुर पटेलनगर लगायतका बस्तीका बासिन्दा सुख्खा बन्दरगाहबाट निस्कने ६ लेनको सडकमा निस्किएका थिए ।

सुरक्षाका कारण कसैले पनि घरमा आगो बालेनन । चुलो नवलेपछि भोकै सडकमा गएका जनतालाई चिउरा,भूजा,मिठा ,चाउचाउ पानी जस्ता खाद्य सामाग्री बितरण गरिएको थियो । बीरगंज महानगरपालिका, क्षेत्र नं २ सासद बिमल श्रीवास्तव तवरेज अहमद मुकेश द्विवेदी शशीकपुर मिया अजय साह,नेपाली कांग्रेसका नेताहरु अनिल रुङटा,अजय कुमार चौरसिया रामनारायण कुर्मी ओमप्रकाश शर्मा लगायतको टोलीले राहत सामाग्री बितरण गरेको थियो ।