बीरगंज १८ मंसिर ।
पर्सामा बाम गठबन्धनको अवस्था सुदृढ बनेको छ । गठबन्धनका कारण मतदातामा उत्साह समेत संचार भएको छ । ७० को सम्बिधान सभा निर्वाचनमा पर्साको ३ निर्वाचन क्षेत्रमा बिजयी हासिल गरेको नेकपा एमाले र नेकपा माओवादी केन्द्रका वीचको गठबन्धनका कारण पर्साको चुनावी प्रतिस्पर्धा रोचक बनेको छ । नेपाली कांग्रेस भित्रको आन्तरिक असन्तोष यसपटक पनि ब्यवस्थापन हुन सकेको छैन  त्यसको फाइदा बाम गठबन्धनले पाउने छ ।

मधेशी मोर्चा भित्रका दुबै दलहरु भित्र रहेको असन्तोष पनि ब्यवस्थापन हुन सकेको छैन । संघीय समाजवादी फोरम नेपाल भित्र अवको नेता को भन्ने बिषयमा ठुलो अन्तरबिरोध  छ । त्यो अन्तरबिरोधको फाइदा पनि बाम गठबन्धनले पाउने अवस्था छ ।

नेपाली कांग्रेस र संघीय समाजवादी फोरम नेपाल भित्र रहेको असन्तुष्ट पक्षले आफना उम्मेदवार हराउन सक्ने बलियो उम्मेदवारको खोजी गर्दा बाम उम्मेदवार बलियो देख्ने भएकोले असन्तुष्टहरुको भोट गठबन्धनका उम्मेदवारहरुले पाउने भएका हुन । 

    स्थानीय तहमा  नेकपा एमाले र माओवादी केन्द्रले पाएको मत जोड्दा पर्साको निर्वाचन क्षेत्र नं ३ र ४ मा बामगठबन्धनको अवस्था बलियो देखिन्छ । निर्वाचन क्षेत्र नं २  र १ मा पनि बाम गठबन्धनको अवस्था नेपाली कांग्रेस र मेधशी मोर्चाको हाराहारीमा रहेको छ । तर ति दुबै पार्टीमा नेतृत्व कसको हुने भन्ने बिषयमा रहेको असन्तोषका कारण बामगठबन्धनले फाइदा लिने अवस्था छ ।

फोरम नेपालका स्थापीत नेताहरु पर्सा क्षेत्र नं १ का उम्मेदवार प्रदीप यादवलाई जित्न नदिने अभियानमा लागेका छन । पार्टी भित्र एकल नेतृतवका रुपमा स्थापीत भएका यादवका बिरुद्ध पार्टीका औपचारिक बैठकहरुमा बोल्ने कोही पनि हुदैन । तर चुनावी मैदानमा मत बिगार्न पार्टीका जिम्मेवारनेताहरुको सहभागिता रहेकोले प्रदीप यादवलाई जित निकाल्न निकै मुश्किल हुने देखिन्छ ।

प्रदेश सभाको उम्मेदवार चयनका कारण पनि यादवको अलोचना हुन थालेको छ । प्रदेश सभाको “क” र “ख”मा मुस्लिम समुदायका ब्यक्तिहरु उम्मेदवार छन । प्रत्यक्ष निर्वाचन तर्फ उम्मेदवार हुदा हुदै समानुपातिक तर्फपनि मुस्लिम समुदायबाट नै टिकट पाएकोले उनीप्रति केही कार्यकर्ता रुष्ट छन ।

प्रदेश सभा “ख”मा पहिला पार्टीले फिरोज मन्सुरलाई उम्मेदवारी दिएकोमा अध्यक्ष यादवको अडानका कारण मन्सुरको टिकट खोसिएर जन्नत अन्सारीले टिकट पाएका हुन । यो प्रकरण पार्टी भित्र भूसको आगो झै सल्किएको छ । मुख्यमंत्रीको दावेदावरको रुपमा प्रचार गरिएका प्रदेश सभा “ख”का उम्मेदवार पार्टीका उपाध्यक्ष समेत रहेका लालबाबु राउत गद्धी बिरुद्ध पार्टीको एउटा पंक्तिले असहयोग गर्दै आएको छ ।

त्यसको प्रतिकूल प्रभाव यादवमाथि पनि पर्ने अवस्था छ । यादवको निर्वाचन अभियानमा राजपाका नेताहरुको सहभागिता शून्य छ  । यि सबै प्रकरणको फाइदा नेपाली कांग्रेस र वामगठबन्धनलाई  हुने निश्चित प्राय छ । लालबाबु राउतलाई यसैपनि टुरिष्ट उम्मेदवार भनेर आलोचना गर्ने गरिन्छ । सासद हुदा संसदीय बिकास कोषको धेरै हिस्सा अहिलेको क्षेत्र नं ४ मा लगानी गरेका राउतलाई जनताले सासद के गर्नु भयो भनेर सोध्ने गरेका छन । राउत जनताको यस्तो सवालमा नाजवाफ हुने गरेको फोरमका एक कार्यकर्ताले बताए ।

राउत त्यस्तो प्रदेश सभामा उम्मेदवार छन जाहा उनले आफनो मत आफैलाई हाल्न पाउने छैनन । उनी बीरगंजको वडा नं १३का बासिन्दा हुन । त्यो वडा भने प्रदेश सभा “क”मा पर्छ ।चुनाव क्षेत्र नं १ को दुबै प्रदेश सभामा बामगठबन्धनका उम्मेदवार रहवर अन्सारी र शम्भू गुप्ताको अवस्था अन्य उम्मेदवारको तुलनमा मजवुत रहेको बिश्लेषण गरिएको छ ।
    पर्साको क्षेत्र नं २ मा म.सलीम मन्सुर र प्रदेश सभा “ख”का उम्मेदवार रामचन्द्र साहको अवस्था मजवुत हुदै गएको छ । २ मा नेपाली कांग्रेस बाम गठबन्धनका अन्सारी र फोरमका बिमल श्रीवास्तववीच प्रतिस्पर्धा हुने देखिन्छ ।

३ मा नेकपा एमालेका राजकुमार गुप्ताले नेपाली कांग्रेसका सुरेन्द्र चौधरी र फोरमका हरिनारायण रौनीयारलाई पछाडी पारेको आंकलन गरिएको छ । ३ को प्रदेश सभा“क”मा भने एमालेको तर्फबाट “मुख्यमंत्री”को रुपमा हेरिएका नागेन्द्र चौधरीको अवस्था सुदृढ देखिएको छ । पर्साको ४ मा वामगठबन्धनकी उर्मिला अर्याल र नेपाली कांग्रेसका रमेश रिजालवीच प्रतिस्पर्धा रहेको छ ।