तर्कले नसकेपछि हुलहुज्जतमा उत्रे फोरमका कार्यकर्ता
वीरगन्ज ११ मंसिर । वीरगन्जको माइस्थान स्थित गहवा माई मन्दीर अगाडि सोमबार रिपोर्टस क्लब नेपालले आयोजना गरेको साक्षात्कार कार्यक्रममा तर्क र विचारले प्रतिवाद गर्न नसकेपछि संघीय समाजवादी फोरमका कार्यकर्ता हुलहुज्जतमा उत्रे ।
क्लबका अध्यक्ष ऋषि धमलाले सञ्चालन गरेको उक्त साक्षात्कार कार्यक्रममा पर्सा क्षेत्र नम्बर १ का उम्मेदवारहरुको उपस्थिति रहेको थियो ।
कांग्रेसका अनिल कुमार रुंगटा, वाम गठबन्धनका विचारी यादव, संघीय समाजवादी फोरम नेपालका प्रदीप यादव लगायतका उम्मेदवार सहभागि भएको उक्त साक्षात्कारमा युवा र भद्रभलादमीको राम्रो उपस्थित रहेको थियो ।
कांग्रेस र एमालेका उम्मेदवार सिमित सहयोगीका साथ आएका थिए भने फोरमका यादव युवाको ठूलै जमात लिएर साक्षात्कारमा अरुको तर्क र विचारलाई निषेध गर्ने योजनावद्ध तरिकाले आएका थिए ।
सुरुमा प्रत्येक उम्मेदवारले आफ्नो उम्मेदवारी र एजेन्डा बारे आफना धारणा कार्यक्रममार्फत सार्वजनिक गरेका थिए । हुलहुज्जतमा फोरम कार्यकर्ताहरुले अरु पार्टीका उम्मेदवारलाई बोल्नै नदिने तथा बुरुक्क बुरुक्क उठेर होहल्ल्ला गरेका थिए । फोरमका युवा कार्यकर्तालाई संयमित भइदिन रिपोटर्स क्लबका अध्यक्ष धमलालाई धौ धौ परेको थियो ।
उम्मेदवारको बोल्ने समय सकेपछि फ्लोर ओपन गरिएको थियो । प्रश्न सोधेपछि उम्मेदवारले उत्तर दिन नपाउँदै फोरमका कार्यकर्ताले कुर्सीबाट होहल्ला गर्दै उत्तर दिने उम्मेदवारलाई बोल्नबाट रोकिरहेका थिए । उक्त क्रियाकलापले साक्षात्कार र माईस्थान वरिपरि उभेका वीरगन्जवासी चकित बनेका थिए ।
‘जीत्न नपाउँदै यस्तो गुन्डागर्दी छ,’ गहवाका राकेश यादवले भने, ‘केही गरि जित्यो भने त असल व्यक्तिलाई सडकमा हिँडडुल गर्न पनि दिँदैनन् ।’
फोरमका कार्यकर्ताहरुको उच्छश्रृखंल गतिविधि पटक पटक दोहोरिएपछि त्यहा रहेका अधिकांश भद्रभलादमी साक्षात्कार कार्यक्रम छाडेर हिँडेका थिए ।
कांग्रेसका अनिल कुमार रुंगटाले भने, ‘वीरगन्जको समग्र विकास र युवा रोजगारीको लागि मेरो उम्मेदवारी हो, युवाहरुको सहि व्यवस्थापनले नै समाजबाट गुन्डाराज अन्त्य हुन्छ ।’ उद्योग व्यवसायमा सफल अनिल रुंगटाले अबको लडाई गरिबी अन्त्यको लागि रहेको बताए ।
वामगठबन्धनका उम्मेदवार विचारी यादवले विदेशी सांसदलाई घरदैलोमा ल्याएर चुनाव नजित्ने दाबी गरे ।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
निर्वाचनमा ४ दिन मात्रै बाँकी, मतदान दिन कसरी मिलाइएको छ पासको व्यवस्था
वीरगंज । प्रेस पास भएका सञ्चारकर्मीका सवारीसाधन सहज रूपमा सञ्चालन हुने निर्वाचन आयोगले जारी गरेको सूचनामा उल्लेख छ ।
गोलबजारमा करेन्ट लागेर टिपरधनीको मृत्यु, सवारीमा आगलागी
सिरहा । गोलबजार नगरपालिका क्षेत्रमा टिपरको हाइड्रोलिक उठाउने क्रममा विद्युत् प्रसारण लाइनमा छोएपछि करेन्ट लागेर एक जनाको मृत्यु भएको छ। घटनापछि सवारीमा आगलागीसमेत भएको प्रहरीले जनाएको छ।
खेलकुद
एनपीएल सिजन–२ ,काठमाडौँ गोर्खाजको विजयी सुरुआत
काठमाडौं । दोस्रो संस्करणको नेपाल प्रिमियर लिग (एनपीएल) क्रिकेट मा काठमाडौँ गोर्खाजले विजयी सुरुआत गरेको छ। जनकपुर बोल्ट्सले दिएको १३१ रनको लक्ष्य काठमाडौँले १८ ओभरमै ५ विकेट गुमाउँदै पूरा गर्यो।
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
तपाईको प्रतिक्रिया