पोष्टर च्यात्नेहरुले जनताको मन च्यात्न सक्दैनन - उम्मेदवार अन्सारी

11/21/2017 गते 00 00 मा प्रकाशित 2627 पटक पढिएको

बीरगंज ५ मंसिर ।वामगठबन्धनका उम्मेदवारहरुको ब्यानर, पोष्टर च्यातिएको भन्दै वामगठबन्धनले आपत्ती जनाएको छ । बीरगंज महानगरको वडा नं १३ मुर्लीको नयाँटोलमा पोष्टर र ब्यानर च्यातिएको एमालेका युवा नेता महमुद अन्सारीले बताए ।
रातको समयमा पोष्टहरु च्यातिएको छ ।

प्रतिपक्षीहरु हारको मानसिकताबाट ग्रसीत भएर पोष्टर ब्यानर हटाउने काम गरेको हुन सक्ने एमालेका युवा नेता महमुद अन्सारीले बताए ।
ब्यानर हटाइएको प्रति निर्वाचन क्षेत्र नं १ को प्रदेश सभा “क”का वामगठबन्धनमाका उम्मेदवार रहवर अन्सारीले आश्चर्य ब्यक्त गरेका छन ।

उनले राजनीतिक संस्कारहिनताको नमुना भन्दै त्यस्तो कार्यको निन्दा गरे । उनले पोष्टर च्यात्नेहरुले जनताको मन च्यात्न नसक्ने बताए ।

पोष्टर ब्यानर सधै रहदैन तर जनताको मनमा बसेका उम्मेदवार प्रतिको धारणा समाप्त हुदैन तर प्रजातन्त्रिक प्रक्रियाको खिलाफमा जानेहरुको जनमत नै खस्कीने उनको भनाई छ ।

वामगठबन्धनका उम्मेदवारको लोकप्रियता दिनप्रतिदिन बढ्दो छ । युवापुस्तको प्रतिनिधिको रुपमा चुनावीमैदानमा उत्रिएका रहवर अन्सारीको लोकप्रियतादेखी आत्तीएर वालवच्चाहरुको प्रयोग गरेर पोष्टर र ब्यानर हटाइएको बताइएको छ । बीमनपाको वडा नं १३ बाट संघीय समाजवादी फोरम नेपालको तर्फबाट जन्नत अन्सारी पनि प्रदेश सभा सदस्यको उम्मेदवार रहेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।