ठेकेदार रौनीयारको ग्राफ गिर्दो काला कर्तुतहरुको पोल खुल्दै

11/19/2017 गते 00 00 मा प्रकाशित 1306 पटक पढिएको

बीरगंज ३ मंसिर ।
राज्यले दण्डीत गरेको निर्माण कम्पनी पप्पु कन्ट्रक्शनका प्रवन्ध निर्देशक हरिनारयण रौनियारको बिकासे मुद्धा फेल खादै छ । बिकासको सपना बाड्ने रौनीयारले बिभिन्न तिकडम गरेर राज्यको करिब १३ अर्व रुपैया होल्ड गरेको कुरा सार्वजनीक हुन थालेपछि उनको ग्राफ ओरालो लागेको छ ।
बिकासको सपना बाडेका रौनीयार आफै बिकासको पैसा कुम्ल्याएर बसेको चालपाएपछि उनीप्रतिको आकर्षण सकिएको छ । पर्सा जिल्लामा मात्रै उनले बीरगंज पोखरिया सडक,जीतपुर रंगपुर सडक, बीरगंजको बसपार्क, हुलाकी सडक खण्डका केही पुल ,मिलनचोक देखी लालपर्सा सम्मको सडक निर्माण,आदर्शचोक देख आइसीपी सम्म सम्म जोडने बाटो सम्मको ६ लेन सडक निर्माणको ठेक्का उनैले लिएका छन ।
त्यसमा केही साझेदार (जोइन्ट भेन्चर) मा छन् ।

मिलनचोक खण्डको सडक भत्कि सकेको छ । पोखरिया देखी पश्चिमको सडक ग्राभेल गर्दा स्थानीयले उनी बिरुद्ध गरेको आन्दोलन आजै पनि ताजै छ । रौनीयार बिरुद्ध देशभरि जताततै आन्दोलन मात्रै भएको छ । उनी ठेक्का लिइ मोविलाइजेशनको पैसा लिने गर्छन् । आयोजना स्थलका बासिन्दालाई आफै उकासेर आन्दोलन गर्न लगाई त्यसैलाई अधार बनाएर अवरोध भयो भन्दै निर्माण काम रोकेर बस्ने गरेका छन् । पप्पु कन्ट्रक्शनले कुनै पनि आयोजना आफूले कवुल गरेको समयमा निर्माण सम्पन्न गरेको रेकर्ड नै भौतिक तथा पूर्वाधार मंत्रालयमा नरहेको मंत्रालयले जनाएको छ ।

रौनीयारले नेपालको एक वर्षको बजेट भन्दा बढी रकम १३ अर्व होल्ड गरेर बिकास निर्माणको काम अवरुद्ध गरेका छन । तिनै मान्छे यतिवेला पर्साको क्षेत्र नं ३ का सोझा साझा जनतालाई बिकास गर्छु भन्दै झूक्याउने काममा तल्लीन छन । इस्टिमेट भन्दा कमशल र गुणस्तरहिन निर्माण सामाग्रीको प्रयोग गरेको भन्दै उनको कामका बिरुद्ध तीन दिन अगाडि मात्रै बीरगंज महानगरको उत्तरी क्षेत्रको जनतारोडमा स्थानीयले उनी बिरुद्ध प्रर्दशन गरेका थिए ।

आज भन्दा दुईबर्ष अघि नै निर्माण भईसक्ने वीरगन्जको अत्याधुनिक बसपार्कको ठेक्का पनि आपूmले नपाएपछि मुद्दा हालेर आयोजना नै फिर्ता गराएका थिए । त्यतिबेलादेखि नै विकास विरोधीको रुपमा चिनिएका रौनियार अहिले भने विकास गर्छु भन्दै मतदाताहरुसँग हात जोडेर मत मागिरहेका छन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।