सघाउने पालो अव भाइको

11/17/2017 गते 00 00 मा प्रकाशित 1048 पटक पढिएको

बीरगंज १ मंसिर । स्थानीय तहको चुनावमा भाईलाई गुन लगाएका, दाईलाई यसपाली भाइले गुन लाउने भएका छन । यो प्रसंग हो पर्साको पोखरियामा रहेको रौनीयार परिवारको ।

स्थानीय तहको निर्वाचनमा नेपाली कांग्रेसको तर्फबाट पूर्व सभासद रहेका रामेश्वर रौनीयार मेयरको उम्मेदवार थिए । उनका दाजु नेपालमै बदनाम निर्माण कम्पनी पप्पु कन्ट्रकश्नका कार्यकारी निर्देशक संघीय समाजवादी फोरम नेपालका केन्द्रीय सदस्य हरिनारायण रौनीयारलाई पार्टी भन्दा भाई प्यारो लाग्यो ।

जसले गर्दा मेयरमा संघीय समाजवादी फोरमका प्रत्यासी प्रदुम्न चौहानले हार खानु प¥यो । उनको हारको पछाडीको ठुलो कारण थियो संघीय समाजवादी फोरम नेपालको तर्फबाट मेयरमा बिद्रोहीको उम्मेदवारी । फोरमकै शंकर यादवले “बागी”उम्मेदवारी दिएको कारण चौहानले हार्नु परेको हो ।

यादवको उम्मेदवारीको पछाडी रौनीयारको हात रहेको निष्कर्ष मेयरका प्रत्यासी चौहान पक्षले निलेको छ । यहि निष्कर्षका कारण चौहान आफनो पुरानै पार्टी एमालेमा फर्किएका छन । उनले पर्साको क्षेत्र नं ३को निर्वाचन कमाण्ड नै आफैले सम्हालेका छन । उनी फर्किने बित्तिकै पार्टीले सो क्षेत्रको निर्वाचन कमाण्ड सुम्पेकोमा दंग छन ।

चौहान र यादवको प्रतिस्पर्धाको वीचबाट आफना भाई रामेश्वर रौनीयारको जीत निकाल्ने “कुटनीतिक गेम”मा लागेका रौनीयार फेल त भए तर त्यो बेला लगाएको गुणको अहिले फिर्ता पाउदैछन ।
रामेश्वर रौनीयारले प्रतिनिधि सभाको निर्वाचनमा आफना दाजु हरिनारायण रौनीयारलाई जिताउन पार्टीसंग अन्तरघातको तयारी गरेका छन । उनीसंग केही कांग्रेसी नेताहरु यो अभियानमा लागेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।