ढुवानी महासंघको अध्यक्षमा विश्वनाथ खनाल विजयी

11/5/2017 गते 00 00 मा प्रकाशित 1233 पटक पढिएको

वीरगन्ज– ढुवानी व्यवसायी महासंघको अध्यक्षमा विश्वनाथ खनाल विजयी भएका छन् । आइतबार काठमाडौँमा सम्पन्न ९ औँ साधारण सभा तथा चौथो राष्ट्रिय महाधिवेशनबाट खनाल निर्वाचत भएका हुन् ।

निकटतम प्रतिद्धन्द्धी सुशिल जोशीलाई २ भोटले पराजित गर्दै खनाल महासंघको अध्यक्षमा निर्वाचत भएको वीरगन्ज ट्रान्सपोर्ट एशोसिएशनका अध्यक्ष बालकृष्ण पोखरेलले जानकारी दिए । कूल खसेको ५२ मत मध्ये खनालले २७ मत पाएका थिए भने जोशीले २५ मत पाए ।

ढुवानी महासंघको अध्यक्षमा निर्वाचित भएका विश्वनाथ खनाल वीरगन्ज ट्रान्सपोर्ट एशोसिएशनका पूर्व अध्यक्ष हुन् । मुलुकभरि १४ वटा शाखाबाट प्रतिनिधीले महासंघको चौथो राष्ट्रिय महाधिवेशनमा सहभागिता जनाएका थिए । रक्षा मन्त्री भीमसेन दास प्रधानले महाधिवेशन उद्घाटन गरेका थिए । अन्य पदमा सहमतिमै पदाधिकारीहरु निर्विरोध चयन भएपनि अध्यक्ष र वरिष्ठ उपाध्यक्षका लागि निर्वाचन भएको थियो ।

वरिष्ठ उपाध्यक्षमा माधवप्रसाद नेपाल विजयी भएका छन् । क्षेत्रिय उपाध्यक्षमा विनोद कुमार सिंह, चेतराज जोशी, रामकृष्ण लोहनी र देवेन्द्रध्वज कार्की निर्विरोध चयन भए । यसैगरि महासचिवमा ज्ञानेन्द्र कुमार श्रेष्ठ, सचिवमा पुण्यप्रसाद दाहाल, कोषाध्यक्षमा दिपेश श्रेष्ठ र सदस्यहरुमा पुष्पराज श्रेष्ठ, ध्रुवप्रसाद अधिकारी, राजन ढुंगेल, केशव गिरी र नहकुल राम ढकाल निर्विरोध चयन भएका छन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।