लोकतान्त्रिकका युवा नेताहरु एमालेमा प्रवेश गर्ने

10/25/2017 गते 00 00 मा प्रकाशित 975 पटक पढिएको

बीरगंज ८ कार्तिक । नेकपा एमालेको नेता पोलिट ब्यूरो सदस्य तथा प्रदेश नं २ सहसंयोजक नागेन्द्र चौधरीले मुलुकलाई अर्थिक समृद्धिको दिशामा लैजान चिन्तन र चेतनामा रुपान्तरण जरुरी रहेको बताउनु भाएको छ । बीरगंजमा बुधवार बिहान आयोजीत पार्टी प्रवेश कार्यक्रमलाई सम्बोधन गर्दै नेता चौधरीले राजनीतिक उद्धेश्य प्राप्तिको लडाई सकियो र अव आर्थिकलडाई शुरु भएको बताउनु भयो ।

उहाँले नेपाली जनताको आर्थिक बिकासकालागि नेकपा एमालेमात्र जिम्मेवार रहेको उहाँको दावी गर्नु भयो । इतिहासमै तराई मधेशमा सबैभन्दा बढी बजेट बिनियोजन एमाले सरकारले गरेले एमाले मधेश बिरोधी नभएको बताउनु भयो । उहाँले एमालेमा प्रबेश गर्ने युवाहरुको घोषणा आऊंदो निर्बाचनमा एमालेको पक्षमा पर्साका जनता रहेको प्रमाणित हुने धारणा राख्नुभयो ।

उहाँले सबैलाई योग्यता र क्षमताको आधारमा जिम्मेवार िदिने र समानताको ब्यवहार हुने बताउनु भयो । उहाँले पार्टी प्रबेश गर्न प्रतिबद्धता जनाएकाहरुलाई टीका लगाएर स्वागत समेत गर्नुभएको थियो । कार्यक्रममा फोरम लोकतान्त्रिका चर्चित युवा नेताहरु आशुतोष चुर्तवेदी ,दिपक तिवारी लगायत दर्जनौं नेता कार्यकर्ताहरु नेकपा एमालेमा प्रवेश गर्ने प्रतिवद्धता व्यक्त गरेका छन ।

युवा नेताहरु शनिबार बिशेष कार्यक्रम गरी एमाले प्रवेश गर्ने कार्यक्रम रहेको जिल्ला संयोजक प्रभु हजराले जानकारी दिनुभयो । सो अवसरमा राजपाका पूर्व केन्द्रीय सदस्य समेत रहेका दिपक तिवारीले एमालेमा प्रबेश गर्ने आफ्नो निर्णय देश र जनताप्रति एमालेले लिएको अडाननै भएकोले अव यसैपार्टीलाई अघि बढाउन कुनै कसर बाँकी नराख्ने धारणा समेत राख्न्भएको थियो ।

उता राजपाकै नेता समेत रही सकेका आशुतोष चतुर्बेदीले एमालेमा प्रबेश गरि देश समाज र जनताको हितमा लागि रहने प्रतिबद्धता समेत ब्यक्त गर्नुभएको थियो । एमालेका संयोजक प्रभु हजराको सभापतित्वमा भएको कार्यक्रममा नेताहरु डाक्टर बिश्वम्भर शर्मा, किशोरी कुशवाहा, पुरन यादब, गंगा खडका, बिचारी यादब, राजकुमार गुप्ता, युवासंघका श्याम गुप्ता, प्रेश चौतारीका अध्यक्ष अनुप तिवारी लगायतको सहभागिता रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।