डा. केसी पक्ष र सरकारी वार्ता टोलीबीच वार्ता सम्पन्न

10/13/2017 गते 00 00 मा प्रकाशित 948 पटक पढिएको

काठमाडौं, २७, असोज :

सरकार र अनशनरत डा.गोविन्द केसीका प्रतिनिधिबीच आज पहिलो चरणको वार्ता भएको छ । डा. केसी अनशन बसेको नवौं दिनका दिन भएको औचारिक वार्तामा दुवै पक्षबाट आ–आआफ्ना धारणा राख्ने काम भएको डा. केसीका प्रतिनिध अभिषेक प्रताप सिंहले जानकारी दिनुभयो ।

सिंहदरवारस्थित प्रधानमन्त्री कार्यालयमा भएको वार्तामा सरकारी पक्षले भने चिकित्सा शिक्षा विधेयक संसदको क्षेत्राधिकार भित्र पर्ने भन्दै सो सम्बन्धमा आफुहरुले आधिकारिक धारणा दिन नसक्ने बताएको सिंहको भनाई छ । माथेमा प्रतिवेदनअनुसार विधेयक पारित हुनु पर्ने डा. केसीको माग रहेपनि सरकारी पक्षको सो भनाईले दुई पक्षबीच सहमति हुने सम्भावना बिगतमा झै यसपटक पनि क्षीण बनेको छ । सरकारका तर्फबाट प्रधानमन्त्री कार्यालयका सचिव ङईन्द्रप्रसाद उपाध्यायको संयोजकत्वमा बनाईएको वार्ता टोलीमा स्वास्थ्य सचिव किरण रेग्मी र निमित्त शिक्षा सचिव डिल्लीराम रिमाल हुनुहुन्छ ।

यस्तै डा. केसीका तर्फबाट वाइपी सिंह, कश्यप श्रेष्ठ, अभिषेक सिंह र अधिवक्ता ओमप्रकाश अर्याल वार्तामा सहभागी हुनुहुन्छ । अर्को बैठकको समय र मिति भने तय नभएको डा. सिंहको भनाई छ । चिकित्सा शिक्षा विधेयक माथेमा आयोगको प्रतिवेदन अनुसार हुनुपर्ने सहितका माग गर्दै डाक्टर गोविन्द केसी ९ दिन देखि अनसनरत हुनुहुन्छ । यसैबीच डा. केसीको माग प्रति ऐक्यबद्धता जनाउँदै नेशनल रिजिडेन्ट डक्टर्स एसोसिएसनले कालो पट्टी बाँधी आज काम गर्ने जनाएको छ । एसोसिएसनले एक विज्ञप्ती मार्फत सरकारले आफुहरुको माग प्रति चासो नदेखाए थप कडा रुपमा प्रस्तुत हुने उल्लेख गरेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।