वीरगञ्ज २६ असोज :

                            वीरगञ्जको एक स्थानीय रेडियोलाई “एमालेमा प्रवेश गर्छु” भन्दै अन्तरवार्ता दिएर काठमाडौं हानिएका श्रीवास्तव भने २४ घण्टा बितिसक्दा समेत एमाले पंक्तिले उत्साहित हुने खवर पाएन । श्रीवास्तवको एमाले प्रवेश एमाले पंत्तिका लागि अपेक्षीत थियो तर उनी आफ्नै निर्णय भने ढिलो । श्रीवास्तवले स्वतन्त्र समुहको निर्माण गरेर राजनीतिक गतिविधि तिब्र पारे देखी नै एमाले पंक्ति श्रीवास्तवलाई एमाले भएको देख्न चाहन्थ्यो । धेरै लामो कालखण्ड पछि उनको एमाले प्रवेश हुने खबरले उत्साहित भएको एमाले पंक्तिको उत्साह लामो समय भने रहेन । राजपाका प्रवक्ता रहेका श्रीवास्तव वीरगञ्ज महानगरको. मेयर पदको टिकट नपाएपछि मनोनयन दर्ताको अघिल्लो रात फोरम लोकतान्त्रिकमा प्रवेश गरेर मेयरमा प्रतिस्पर्धा गरेका उनले ८ हजार भन्दा बढी भोट ल्याएका थियो । यो उनको ब्यक्तिगत भोट हो भनिन्छ । त्यही कारण त श्रीवास्तव जता लाग्छन् त्यो पार्टी पर्सामा बलियो बन्ने गर्छ । त्यही भएर उनी प्रति पार्टीहरुको आकर्षण रहन्छ । राजनीतिमा उनको “अति अस्थिर” चरित्र बनेपनि उनी जता हुन्छन् पर्साको राजनीतिको तख्तापलटमा खास अर्थ रहने गरेको छ । ०५१ सालको संसदीय निर्वाचनमा उनले स्वतन्त्र समूहको तर्फबाट नेपाली काँग्रेसका प्रधानमन्त्रीका उम्मेदवार कृष्णप्रसाद भट्टराईलाई सहयोग गरेर बिजयी बनाएका थिए । हरुवा इतिहास रहेका भट्टराईलाई जिताउन श्रीवास्तवको भूमिका महत्वपूर्ण रहेको थियो । 
                             स्वाभिमानी स्वभाव र नेताहरुको अघिपछि गर्ने बानी नभएका कारण उनी पछि परेको उनी निकटकाहरुको ठहर छ । पंचायतीकालमा समेत वीरगञ्जको मेयर भएका श्रीवास्तव ०४८ मा नेपाली काँग्रेसले सत्तासंरक्षित धाँधलीका कारण उनले पराजय भोग्नु परे पनि त्यसपछिको चुनाव भने जिते । राप्रपा फूटेपछि पशुपती शम्शेर राणा नेतृत्वको राप्रपामा लागेका श्रीवास्तवले पहिलो संविधानसभा पछिको सरकारमा पार्टीले मन्त्री पद नदिएपछि तमलोपमा प्रवेश गरेका थिए । 
                            ६ दलको एकता पछि बनेको राजपाले मेयरको टिकट नदिएपछि फोरम लोकतान्त्रिक भएका श्रीवास्तव एकाएक एमाले प्रवेश गर्ने कुराले चर्चा पायो । एमालेको आधारभूत पंक्ति उत्साहित भएपनि त्यो लामो समय रहन भने सकेन । एमालेको नेतृत्वसँग प्रतिनिधि सभाको १ सिट, प्रदेश सभाको २ सिट र राष्ट्रियसभाको १ सिट पाउने गरी एमाले प्रवेशको सहमती भएर २५ गते बेलुका ५ बजे पार्टी कार्यालयमा पार्टी प्रवेश कार्यक्रम तय भएको थियो तर श्रीवास्तव गएनन् श्रोतले भन्यो । त्यसपछि उनलाई एमालेमा प्रवेश गराउने काममा लागेका एमाले नेताहरु स्वीच अफ गरेर बसेका छन् । एमाले प्रवेशमा नेकपा माओवादी केन्द्रका नेता उर्मिला अर्यालले अवरोध सृजना गरेको बताइएको छ । बाम गठबन्धन अनुसार पर्साको क्षेत्र नं १ माओवादी केन्द्रको दावी रहेकोले अर्यालले एमालेको पछि नलाग्न भनेपछि श्रीवास्तव हचकिएको बताइएको छ । एमाले भित्रकै पनि केही नेताहरुले श्रीवास्तवको एमाले प्रवेश नरुचाएकोले पनि अन्तिम समयमा एमाले प्रवेश रोकिएको स्रोतले बताएको छ । स्रोतले भन्यो एमाले भित्रको अन्तरद्वन्द्वका कारण पनि समस्या आएको हो । तर स्रोतका अनुसार श्रीवास्तव र उनका सहयोगीहरुको एमाले प्रवेशको सम्भावना भने जीवीतै रहेको छ । छलफल भइरहेको छ हेरौ के हुन्छ श्रीवास्तव निकट एकले भने ।