स्थानीय तहमा हार्नेहरुलाई कांग्रेसले उम्मेदवार नवनाउने

10/6/2017 गते 00 00 मा प्रकाशित 943 पटक पढिएको

असोज २० काठमाडौं । प्रतिनिधि सभा र प्रदेश सभा निर्वाचनका उम्मेदवारको बिषयमा नेपाली कांग्रेसले मापदण्डा बनाउदै छ ।
शुक्रवार काठमाण्डौमा भएको पार्टी केन्द्रीय समितिको बैठकमा उम्मेदवारको मापदण्डको बिषयले प्रवेश पाएको छ । पार्टीका महामंत्री डा.शशांक कोइरालाले उम्मेदवारको मापदण्ड सम्बन्धी अवधारणा प्रस्ताव गरेका छन । नेपाली
कांग्रेसले स्थानीय तहको चुनावमा पराजित भएकाहरुलाई प्रदेश र प्रतिनिधिसभा चुनावको टिकट नदिने मापदण्ड तयार गरेको छ । यसअघि समानुपातिकमा सांसद भएकाहरुलाई फेरि समानुपातिकको बन्दसूचीमा नराख्ने गरि उम्मेदवार तय गर्ने कांग्रेसको तयारी छ।

स्थानीय तहमा पराजित भएका धेरै नेताले प्रदेशसभा र प्रतिनिधिसभाको उम्मेदवार हुन बिभिन्न माध्यमबाट आफूलाई अग्रसर बनाएका छन । कतिपयले पार्टीमा आवेदन समेत दिएका छन । पार्टीका स्थानीय निकायहरुले स्थानीय तहमा पराजीत भएकाहरुको नाम समेत केन्द्रसम्म सिफारिस पनि भएको छ । समानुपातीक निर्वाचन प्रणालीबाट सभासद भएकाहरुले फेरी पनि समानुपातीक प्रणालीमै बस्ने रुची देखाएका छन । समानुपातीक तर्फ कम परिश्रम,कम खर्च नेताहरुको चाकरी गर्दा मात्र सभासद हुने भएकोले आकर्षण बढेको एक नेताले बताए ।

महामन्त्री कोइरालाले प्रस्तुत गरेको उम्मेदवारको मापदण्ड सम्बन्धी प्रस्ताव पारित भएमा समानुपातिक सांसद कि प्रत्यक्षमा चुनाव लड्नुपर्छ नभए सांसद हुन पाउने छैनन् । साथै, स्थानीय तहमा हारेकाहरुका लागि प्रदेशसभा र प्रतिनिधिसभा चुनावमा उम्मेदवार बन्ने बाटो औपचारिक रुपमै बन्द हुनेछ ।कांग्रेसले २५ असोजसम्ममा उम्मेदवार छनोट गरिसक्ने बताएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।