नागरिक सवालका अगाडि सरावगी नाजवाफ

9/15/2017 गते 00 00 मा प्रकाशित 1451 पटक पढिएको

काठमाडौ । तेश्रो चरणको निर्वाचनको मौन अवधि शुरु हुन ३ घण्टा बाँकी रहदा बीरगंजमा महानगरका उम्मेदवारहरुले नागरिकको चेटिलो प्रश्नको सामना गर्नु पर्यो । बीरगंज उधोग वाणिज्य संघले बीरगंजको आदर्शनगरमा आयोजना गरेको आकांक्षा र प्रतिवद्धता माथिको खुला बहस कार्यक्रममा नागरिकले प्रश्न उठाएका हुन ।

मधेश आन्दोलनको क्रममा भएको नाकाबन्दीमा पेट्रोलियम पदार्थ र केमिकलको तस्करीको आरोप लागेका संघीय समाजवादी फोरम नेपालका उम्मेदवार बिजय सरावगी मधेसी नागरिक सवालका अगाडि चुप भएका थिए । नागरिकले उनलाई तपाईले तेलको तस्करी किन गर्नु भयो भन्दै प्रश्न गरेका थिए ।

सरावगीले नागरिकको यो प्रश्नको जवाफ दिन सकेका थिएनन । सरावगी बीरगंज उधोग वाणिज्यसंघका तत्कालीन अध्यक्ष प्रदीप केडियाको मिलीभगतमा बीरगंजको सुख्खा बन्दरगाहमा नाकाबन्दीका कारण रोकीएका १७ हजार कन्टेनर, प्रति कन्टेनर ५ हजार रुपैयाका दरले ८ करोड ५ लाख रुपैया पैसा उठाएर कन्टेनर नेपाल भित्रको गन्तब्यसम्म ढुवानी भएका थिए ।

सरावगी उनकै गृहवडामा रहेको सिद्धार्थ माविको ब्यवस्थापन समितिका अध्यक्ष हुन । उनले आफू अध्यक्ष रहेको बिद्यालयको बसका चालकलाई आफूले संचालन गरेको ज्ञानदा एकेडमीमा सरुवा गरेका थिए । उनको काण्डै काण्डले भरिपूर्ण जीवनका बिभिन्न पक्षमा नागरिकले सवाल सोधेका थिए ।

साभार: जनबोली न्यूज डटकम

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।