बीरगंज १७ भदौ । "२०७२ साल भदौको १४ गते " बीरगंजको आकाशलाई कालो धुवाले घेरेको थियो । स्वस्फूर्त रुपमा सडकमा बिद्रोहका स्वरहरु गुन्जिएका थिए । स्थानीय प्रशासनले कफूर्य घोषणा गरेको थियो । प्रशासनको आदेशलाई बर्खिलाप गर्न नागरिकलाई क्षण पनि लागेन । एक निमेशमा प्रशसनीक आदेशको धोती खुस्क्यो । सिंगो शहर आन्दोलनकारीको कब्जामा गएजस्तो । प्रशासन समेत के गर्ने नगर्ने भन्ने अन्यौलमा थियो । साँझको बेला अवस्था सामान्य होला ।

साँझ परेपछि मान्छेहरु बास बस्न तिर जालान भन्ने के मात्र भएको थियो । एउटा किशोरको जीवनलिला समाप्त भयो । साउन ३१ बाट घोषीत आम हडताल भदौ १३ देखी एकाएक शसक्त भएको थियो । त्यो भन्दा अगाडि आन्दोलन स्थानीय प्रशासनसंग मिलेर गरिदैछ भन्ने आरोप समेत लाग्ने गरेको थियो । हो भदौ १४ गते साँझ जिल्ला बिकास समिति अगाडि प्रहरीको गोली लागेर एउटा सम्भावना बोकेको युवा शहीदको पंक्तिमा लामबद्ध भए ।

ति युवा थिए बिआइटी कलेज बीरगंजमा इन्जिनियरिङका विद्यार्थी बीरगंज महानगरपालिकाको जगरनाथपुरका दिलिप चौरसिया । अधिकार प्राप्तिको आन्दोलनमा दिइएको शहादतलाई खेर जान नदिन आन्दोलनरत दलका नेताहरुको प्रतिवद्धता आईरहेकै हुन्थ्यो । तर आज शहीद परिवार निराश छन । जुन धरातलमा उभिएर देश र जनताको निम्ति उनीहरुले ज्यानको आहुती दिए त्यसलाई कतिपय नेताहरुले सौदावाजीको बस्तु बनाईदिएको आरोप लाग्न थालेको छ ।स्थानीय तहको निर्वाचनको सरगर्मीले प्रदेश २ को राजनीतिको ताममान निकै बढेको छ । सबै राजनीतिक दलहरु मतदातालाई लोभ्याउन लागि परेका छन ।

त्यसकोलागि आकर्षक प्रतिवद्धताहरु ,राहत,सडक निर्माण ल्यापटप बितरण पंखा बितरण आदी सबै भएका छन । तर भदौ १६ गते जगरनाथपुरमा छुट्टै खालको वतावरण थियो । नेपाली कांग्रेसको निर्वाचन प्रचारको सभा थियो । त्यसको एउटा वक्ता थिए । शहीद दीलीप चौरसियाका पीता उनको गालामा माला थियो अनुहारमा अविर । नेपाली कांग्रेसका नेता शेखर कोइरालाले उनलाई नेपाली कांग्रेसमा स्वागत गरेका थिए । उनले आफनो छोरो मधेश र मधेशी जनताको हितका निम्ति शहीद भएकोमा गर्व गरे तर त्यो शाहदतलाई पैसामा साटिएको भन्दै चिन्ता ब्यक्त गरे । उनी संघीय समाजवादी फोरममा संगठीत थिए ।

फोरमले बीरगंज महानगरको मेयर उम्मेदवारमा ब्यवसायी बिजयय सरावगी र उपमेयरमा पार्टीका जिल्ला अध्यक्ष प्रदीप यादव पत्नि पीकी यादवलाई उम्मेदवार बनाएको छ । उम्मेदवार निर्धारणको मापदण्ड राजनीतिक भन्दा पनि बढी गैरराजनीतिक र मुनाफा आर्जनमा केन्द्रीत रहेको शहीद पीताको आरोप थियो । चौरसियाका, परिवारका सबै सदस्य संघीय फोरम परित्याग गरि नेपाली कांग्रेसमा समाहित भए । आज पनि शहिद परिवार सहादतको परिणामको प्रतीक्षामा छन् । शहिदका आमाहरू आफ्नो पुत्रको सहादतको हिसाब माग्दै छन् । शहिदका सन्तानहरु नयाँ बिहानीको खोजीमा छन् ।

बिरगंजका बीर सहिद योद्धाहरुहरुको आत्मा मधेस मुक्तिको लागि प्रतीक्षारत् छ । मधेसका अधिकार, पहिचान एवं स्वाभिमान प्राप्ती नै वीर सहिदहरु प्रति सच्चा श्रद्धाञ्जली हुने भन्दै आएकाहरुले शहीद परिवारको आत्मा रुवाउदै टिकट बितरणको निर्णय गरेकोमा नैतीकता र इमान्दारीता लज्जीत हुन पर्ने अवस्था आएको छ ।