बसरुदिनलाई बदनाम गर्न बिदेशी एजेन्सीहरु सक्रियः महासचिव पोख्रेल

9/12/2017 गते 00 00 मा प्रकाशित 1116 पटक पढिएको

बीरगंज २७ भदौ । नेकपा एमालेका महासचिव इश्वर पोख्रेलले प्रदेश नं २ मा नेकपा एमाले पहिलो पार्टी हुने दावी गर्नु भएको छ । पार्टीको तर्फबाट बीरगंज महानगरकोलागि प्रतिवद्धतापत्र सार्वजनीकीकरण गर्नकालागि आयोजना गरिएको कार्यक्रमलाई सम्बोधन गर्ने क्रममा उहाँले यस्तो दावी गर्नु भएको हो ।
उहाँले नेकपा एमाले मधेश पहाड हिमालका सबै जात जाति र भाषा भाषीको पार्टी हुनु नैे चुनावमा जित्ने आधार भएको बताउनु भयो । उहाँले मधेशमा एमालेलाई मेधश बिरोधी देखाउने चेष्टा भएको भन्दै तराईको लाइफलाइन हुलाकी राजमार्गकोलाजि बजेट बिनियोजन गर्ने तराईका जिल्ला सदरमुकाम निर्माणकालागि ५० करोड दिने पार्टी मधेशी बिरोधी हुन नसक्ने बताउनु भयो । बिरोधीहरुले लगाएको आरोपमा सत्यता नरहेको चर्चा गर्दै उहाँले सामाजिक कल्याणकोलागि एमालेले गरेका जनप्रियकामका बिषयमा मधेशका नागरिक जानकार भएको बताउनु भयो । उहाँले बीरगंजका मेयर उम्मेदवार बसरुदिन अन्सारीलाई बदनाम गर्न बिदेशी एजेन्सीहरु लागेको दावी गर्नु भयो । हिजो बसरुदिन सांसद लडदा दाउदका मान्छे भएनन आज एमालेमा आएपछि उनी दाउदका मान्छे बनाइदैछन महासचिव पोख्रेलले भन्नु भयो कानून बिपरित काम गर्ने कुनैपनि एमाले दण्डीत हुनु पर्छ तर बदनाम गर्ने जुन तानाबाना बुनिदैछ त्यसको प्रतिवाद गर्न पनि तयार हुनु पर्छ । बिदेशी एजेन्सीहरु एमालेलाई बदनाम गर्न उद्धत छन ति भित्र वा वाहिरका हुन तिनलाई चिन्न र जवाफ दिन समेत महासचिव पोख्रेलले कार्यकर्ताहरुलाई अपिल गर्नु भयो । उहाँले नेकपा एमाले हार्दा राष्ट्रीय स्वतन्त्रता स्वाभिमान र सामाजिक सदभावले हार्ने बतानु भयो । एमालले जित्नु पर्छ त्यसो हुदा मात्र देशले जित्ने महासचिव पोख्रेलको भनाई थियो । कार्यक्रममा मेयरका उम्मेदवार बसरुदिन अन्सारीले आफना प्रतिवद्धता ब्यक्त गर्नु भएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।