संघीय समाजवादीले जित्यो गाउँपालिका, नथुनी कुशवाहा विजयी

9/21/2017 गते 00 00 मा प्रकाशित 1253 पटक पढिएको

बीरगंज ५ असोज । पर्साको कालीकामाई गाउँपालिकाको अध्यक्षमा नेपाल संघीय समाजवादी पार्टी विजयी भएको छ । नेपाल संघीय समाजवादी पार्टीका नेता नथुनी कुशवाहा जनता दलको चुनाव चिन्ह पाङ्ग्राबाट चुनावमा चुनावी मैदानमा उत्रिएका थिए। पहिलो र दोश्रो चरणको निर्वाचनको बेला नयाँ शक्तिले संघीय समाजवादी फोरम नेपालको मसालमा चुनाव चिन्ह मलासबाट चुनावमा भाग लिएजस्तै नेपाल संघीय समाजवादीले पनि जनता दलको चुनाव चिन्ह पाङ्ग्राबाट चुनावमा भाग लिएको हो । पशुपती शम्शेर राणाको राप्रपा प्रजातान्त्रिकले पनि यही निर्वाचन चिन्ह लिएर चुनाव लडेको थियो । राप्रपाले भने पर्सामा खाता खालेको छैन ।
अध्यक्षका उम्मेदवार कुशवाहा १५३ मत अन्तरले विजयी भएका हुन । उनको प्रतिस्पर्धामा संघीय समाजवादी फोरम रहेको थियो । उपाध्यक्षमा संघीय समाजवादी फोरमका राजेश चौरसिया २१७ मत अन्तरले बिजयी हुनु भएको छ । नेपाल संघीय समाजवादी पार्टीका केन्द्रीय उपाध्यक्ष राजकुमार यादवले यस क्षेत्रको पार्टी गतीविधिको नेतृत्व गर्दै आएका छन । जनताको बीचमा रहेर राजनीति गर्ने यादवको कुशल नेतृत्वकै कारण नेपाल संघीय समाजवादी पार्टीले पर्सामा सफलता पाएको हो । यादव ७० को सम्बिधान सभाको निर्वाचनमा पर्साको क्षेत्र नं ४ बाट उम्मेदवार थिए । उनी निकटतम प्रतिद्वण्द्वी रहेका थिए । कालीकामाई नगरपालिकाको वडा नं ५ बाट नेपाल पत्रकार महासंघ पर्साका सदस्य तथा लोकटाइम्स दैनीकका प्रकाशक÷सम्पादक पवन तिवारी बिजयी भएका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।