बीरगंज महानगरमा मेयरमा सरावगी ,उपमेयरमा कार्की

9/27/2017 गते 00 00 मा प्रकाशित 1627 पटक पढिएको

वीरगन्ज महानगरपालिकाको मेयरमा संघीय समाजवादी फोरम नेपालका उम्मेदवार बिजय कुमार सरावगी विजयी भएका छन् ।
बुधबार दिउँसो सार्वजनिक परिणामअनुसार निकटतम प्रतिद्वन्द्वी नेपाली कांग्रेस उम्मेदवार अजय द्विवेदीलाई हराउँदै सरावगी वीरगन्जको मेयरमा बिजयी भएका हुन ।
उनले १९३९३ मत प्राप्त गरेका छन । उनका निकटतम प्रतिद्वण्दी नेपाली कांग्रेसका उम्मेदवार अजय कुरमा द्विवेदीले १७१९७ मत प्राप्त गरे । उपमेयरमा भने नेपाली कांग्रेसकी उम्मेदवार सुश्री शान्ति कार्की १९६० मत प्राप्त गरि बिजयी भइन । निकटतम प्रतिद्वण्दी संघीय समाजवादी फोरम नेपाल कि पिंकी यादवले १८५३८ ।मत प्राप्त गरिन । सरावगी विजयी भएको औपचारिक घोषणा हुन भने बाँकी छ ।
नवनिर्वाचित मेयर सरावगीले छात्राहरु अध्ययन गर्ने बिद्यालयको शिक्षण बिधि नीजि बिद्यालय जस्तो बनाइने घोषणा गरेका छन ।मतगणना स्थल बीरगंजको ठाकुरराम बुहमुखी क्याम्पस अगाडि सक्षीप्त सम्बोधनमा उनले यस्तो बताएका हुन । उनले आउने शैक्षीक सत्र देखी सबै सामुदायिक बिद्यालयहरुमा अनिर्वाय रुपमा अग्रेजी माध्यममा अध्ययन अध्यापन गराईने बताए । उनले बीरगंजमा रहेको नारायणी उपक्षेत्रीय अस्पताललाई १२ सैय्यामा बिकास गरि शिक्षण अस्पतालको रुपमा संचालन गरिने बताए । उनले मधेशका छोरीले सुलभ रुपमा चिकित्सा शिक्षा लिएर यही सेवा गर्ने अवसर पाउने बताए । श्रीसिया नदीको प्रदुषणलाई नियन्त्रण गरिने उनले बताए । महानगरमा जोडिएका गाविसहरुलाई सेटेलाईट शहरको रुपमा बिकास गर्ने उनले आफनो योजना सुनाए । बीरगंजले राष्ट्रीय राजस्वमा जती योगदान गरेपनि त्यो अनुसारको प्रतिफल नपाएकोमा चिन्ता ब्यक्त गर्दै सरावगीले राजनीतिक दलहरुले ५० वर्षमा गर्न नसकेको बिकास आफूले ५ वर्षम ागर्ने दृढता ब्यक्त गरे । उनले हाम्रो मधेशमा अव हामी मधेशी आएका छौ हाम्रो मधेशको बिकास हामी गर्ने छौ भने । उनले आफूले खानकालागि महानगरबाट केहीस् लिनु नपर्ने भएकोले ४ लाख नगरवासीको हितमा काम गरिने बताए । उनले आफनो जीत सबै नगरवासीको जीत भएको बताए । वीरगञ्ज महानगरका ३२ वडामध्ये संघीय समाजवादी फोरमले १२, कांग्रेसले १०, एमालेले ५, राजपाले ३, माओवादी केन्द्रले १ र लोकतान्त्रिक फोरमले १ वडा जितेका छन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।