पर्सामा ४ वडाको परिणामा सार्वजनीक २ एमाले १ केन्द्र र १ कांग्रेस

9/19/2017 गते 00 00 मा प्रकाशित 1011 पटक पढिएको

बीरगंज ३ असोज । पर्साको १४ स्थानीय तहमध्ये अधिकाशको मतगणना शुरु भएको छ । बीरगंज महानगरको मतगणना बीरगंजको ठाकुरराम बहुमुखी क्याम्पसमा शुरु भएको छ । पर्साको पटेर्वा सुगौली गाउँपालिकाको वडा नं १ मा नेकपा एमालेको प्यानल विजयी भएको छ ।
एमालेको फरमानमिया अन्सारी ४ सय ७६ मत ल्याई विजयी भएका हुन। यसैगरी बिन्दवासीनी गाउँपालिकाको वडा नं १ मा नेकपा एमालेका वडाध्यक्षका उम्मेदवार सगीर मिया सदस्यहरु तेरस मुखिया,सुगान्धी देवी ,प्रजापती महतो र फूलमती देवी बिजयी भएको निर्वाचन अधिकृत इश्वरीराज ढकालले बताए । पटेर्वा सुगौली गाउँपालिकाको अध्यक्षमा पनि एमालेले अग्रता लिएको छ । एमालेका हरिनारायण चौधरी ४ सय ९० मत सहित अग्रस्थानमा रहेका छन ।नेपाली कांग्रेसका दिनेश चौधरीको ३ सय ११ मत छ ।उपमेयरमा पनि एमालेको अग्रता रहेको छ ।
बिन्दवासी गाउँपालिकाको वडा नं १ मा एमालेका सगीर मिया सहित प्यानलै बिजयी भएको छ । ठोरी गाउँपालिका वडा नम्बर १ को वडा अध्यक्षमा माओवादी केन्द्र तर्फबाट रामप्रकाश कुवर बिजयी भएका छन् भने कांग्रेसले कालिकामाई गाउँपालिकामा अग्रता लिएको छ । पर्साको पर्सागढी नगरपालिकामा एमालेको अग्रता कायमै एमाले मेयर ५ सय ६१ नेपाली कांग्रेस ४ सय ७ मत प्राप्त । वडा नं १ मा नेपाली कांग्रेसका तुला चौधरी वडाध्यक्षमा बिजयी भएका छन । सदस्यमा एमालेका दुर्गा लामिछाने र पूर्णमाया मिजार बिजयी भएका छन । अन्य सदस्यमा नेपाली कांग्रेसले बिजयी भएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।