पर्साको सखुवा प्रसौनीमा मतगणना अवरुद्ध

9/21/2017 गते 00 00 मा प्रकाशित 1540 पटक पढिएको

असोज ५ पर्सा ।
पर्सा जिल्लाको सखुवा प्रसौनी गाउँ पालिकाको मतगणना अवरुद्ध भएको छ । वडा नं ३ को मतपेटीकामा मुचुल्का उठाउदा १६ सय ८४ मत रहेकोमा गणना गन्न खोल्दा १७ सय १ मत फेला परेपछि विवाद भएको हो । १७ मत बढी आएपछि मतगणना अवरुद्ध भएको हो । संघीय समाजवादी फोरम बाहेकका राजनीतिक दलका मतगणकहरु मतगणना बहिष्कार गरेर बाहिर निस्किएको नेपाली कांग्रेसका अध्यक्षका उम्मेदवार सावीर अन्सारीले बताउनु भयो । वडा नं १ मा पनि २५ मत मुचुल्का भन्दा कम देखिएको थियो । वडा नं १ मा नेकपा एमालेका बासुदेव चौधरी ११ मतको अन्तरले मात्र पराजित हुनु भएको हो । मतगणनाको प्रारम्भ देखीनै विवाद हुदै आएपनि निर्वाचन आयुक्तको कार्यालय सम्बेदनशील नभएको भन्दै राजनीतिक दलहरुले आलोचना गरेका छन । जिल्ला निर्वाचन कार्यालय पर्साका प्रमुख हुमनाथ पारजुलीले बाकसमा भएको मत गणना गरिने कुरा निर्वाचन आयोगको निर्णय भएकोले त्यसलाइै ठुलो समस्या मान्न नुहने बताउनु भयो । उहाँले सखुवा प्रसौनीका गाउँपालिकाका निर्वाचन आयुक्त कमलराज पन्थीले मतगणना अवरुद्ध नभएको जानकारी दिएको बताउनु भयो । तर सखुवा प्रसौनीको श्री दीपनाराण आदर्श उच्च माविमा भइरहेको मतगणना अवरुद्ध रहेको मतगणना स्थलामा रहनु भएका अनेरास्ववियु पर्साका जिल्ला अध्यक्ष रामबाबु यादवले बताउनु भयो

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।