गृहमन्त्रीले गरे आचारसंहिता उलंघन

9/10/2017 गते 00 00 मा प्रकाशित 1009 पटक पढिएको

सीमरा २५ भदौ । गृहमन्त्री जनार्दन शर्माले निर्वाचन आयोगले जारी गरेको आचारसंहिता उलंघन गर्दै आईतवार चुनावी सभालाई सम्बोधन गरेका छन् ।
नेकपा माओबादी केन्द्रले जीतपुरसिमरा उपमहानगरपालिका, परवानीपुर गाउपालिकामा आयोजना गरेको चुनावी सभालाई सम्बोधन गर्दै गृहमन्त्री शर्माले आचारसंहिता उलंघन गरेका हुन् । हवाईमार्ग हुदै सिमरा बिमानस्थल आईपुगेका शर्माले जीतपुरसिमरा उपमहानगरपालिका भित्रको भलुही, जैतापुर, बालुवाबेरा, ईनर्वासिरा, रेडक्रस टोलको चुनावी सभामा पुगेर माओबादी केन्द्रका उम्मेदवारलाई भोट मागेका छन् ।
गृहमन्त्री शर्मा प्रहरी सुरक्षाका बिच जीतपुरसिमरा १६ को सखुवाघाट गएका छन् । गृहमन्त्री शर्माले बाराका विभिन्न स्थानमा आयोजना हुने चुनावी सभालाई सम्बोधन गर्ने कार्यक्रम रहेको छ ।
कडा सुरक्षाका बिच चुनावी सभामा सहभागी भएका गृहमन्त्रीले आचारसंहिता उलंघन गरेपछि स्थानियस्तरमा चौतर्फी आलोचना हुन थालेको छ । सरकारी पक्षबाटै आचारसंहिता उलंघन भएको भन्दै अन्य राजनीतिक दलका नेता कार्यकर्ता र स्थानीयले असन्तुष्टी जनाउन थालेका छन् ।
सरकारी पक्षबाट बारामा आचासंहिता उल्लघन भएको यो दोस्रो घटना हो । यसअघि जीतपुरसिमरा उपमहानगरपालिका ११ फत्तेपुरमा नेपाली कांग्रेसका उम्मेदवारलाई भोट माग्दै हिडेको अवस्थामा शुक्रवार जलस्रोत राज्यमन्त्री अमरसिंह पुनलाई स्थानियले नियन्त्रणमा लिएर प्रहरीलाई बुझाएका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।