logo

खसीको मासु प्रतिकेजी एघार सय निर्धारण मासु पसल अनिवार्य रूपमा दर्ता तथा नवीकरण गर्नुपर्ने

 इसीमाना सम्वाददाता     २०८३ जेठ १ गते ०६: ३२ मा प्रकाशित     1052   पटक पढिएको

 वीरगञ्ज ।वीरगंज महानगर क्षेत्रमा खसीको मासु प्रति केजी १ हजार १ सय रुपैया निर्धारण गरिएको छ ।

 

मासुको मूल्यमनपरि लिन थालेपछि स्थानीय प्रशासन सरकार र अन्य सरोकारवालाको संयाुक्त बैठकले मूल्य निर्धारण गरेको हो ।

 

महानगर क्षेत्र भन्दा बाहिर नगरपालिका र पालिकामा खसीको मासुको प्रति केजी मूल्य १ हजार निर्धारण गरिएको छ ।

 

पर्साका प्रमुख जिल्ला अधिकारी भोला दाहालको अध्यक्षतामा बसेको पर्साका १४ वटा स्थानीय सरकारका प्रतिनिधि   पशु क्वारेन्टाइन कार्यालय, मासु व्यवसायी, उपभोक्ता अधिकारकर्मी तथा विभिन्न सरोकारवाला निकायका प्रतिनिधिहरुको सहभागितामा बसेको बैठकले मूल्य समबन्धमा निर्णय गरेको हो ।  

 


निर्धारित मूल्य भन्दा बढी रकम उपभोक्ताबाट लिन नपाइने र लिएमा कारवाही हुने समेत निर्णय भएको बताइएको छ ।


त्यसैगरी वीरगञ्ज महानगरपालिका क्षेत्रमा भने खशी खरिद, ढुवानी, लोडिङ–अनलोडिङ, कर, स्टोर भाडा, श्रमिक खर्च, काटिसकेपछिको वेस्टेज तथा व्यवसायीको उचित नाफासमेतलाई आधार मानेर वास्तविक खुद लागत मूल्य निर्धारण गरिएको बैठकले जनाएको छ।

 

 सोही आधारमा तत्कालका लागि प्रतिकेजी १ हजार १ सय रुपैयाँमा खसको मासु बिक्री गर्ने निर्णय गरिएको सहायक प्रमुख जिल्ला अधिकारी कृष्ण थापाले जानकारी दिए ।


बैठकमा सहभागी प्रतिनिधिहरुले उत्पादक, उपभोक्ता तथा व्यवसायी सबै पक्ष मर्कामा नपर्ने गरी सन्तुलित मूल्य कायम गर्नुपर्नेमा जोड दिएका थिए।

 

 साथै बजारमा कृत्रिम अभाव सिर्जना गर्ने, अस्वाभाविक मूल्य वृद्धि गर्ने तथा गुणस्तरहीन मासु बिक्री गर्ने कार्यलाई नियन्त्रण गर्न नियमित बजार अनुगमनलाई समेत प्रभावकारी बनाइने निर्णय गरिएको छ।


बैठकबाट स्थानीय तहभित्र सञ्चालन हुने मासु पसल अनिवार्य रूपमा दर्ता तथा नवीकरण गर्नुपर्ने, सरसफाइ मापदण्ड पालना गर्नुपर्ने र प्रशासन, सुरक्षा निकाय तथा स्थानीय तहको समन्वयमा नियमित अनुगमन गरिने निर्णयसमेत गरिएको छ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग

वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।

भारतीय कम्युनिष्ट पार्टी माओवादीका प्रभावशाली नेता प्रशान्त बोस  ‘किशन दा’ को निधन

वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।

दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम

नयाँ दिल्ली ।  दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका  पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।

भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै

वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।

समाज

लायन्स क्लब अफ वीरगञ्ज मिलेनियम (MJF) द्वारा विपन्न परिवारलाई साडी, खाद्यान्न तथा छठ पूजा सामग्री वितरण

वीरगञ्ज । छठ पर्वको पावन अवसरमा लायन्स क्लब अफ वीरगञ्ज मिलेनियम (MJF) ले सामाजिक उत्तरदायित्व तथा मानवीय सेवाको भावनालाई आत्मसात् गर्दै ९० विपन्न तथा आर्थिक रूपमा कमजोर परिवारलाई साडी, खाद्यान्न एवं छठ पूजाका आवश्यक सामग्री वितरण गरेको छ।

ठोरी–४ विजयबस्तीमा प्रहरी भवन र स्वास्थ्य चौकीको नवनिर्मित भवन उद्घाटन

वीरगञ्ज । पर्साको ठोरी गाउँपालिका–४ विजयबस्तीमा नेपाल प्रहरीको नवनिर्मित भवन र निर्मल बस्ती स्वास्थ्य चौकीको नयाँ भवन एकै दिन उद्घाटन गरी सञ्चालनमा ल्याइएको छ।
सम्पादक

कृष्णचन्द्र लामिछाने

९८५५०२२४९७

बीरगंज १४, पर्सा

सम्पर्क

सीमाना मिडिया प्रा.लि.
बीरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2026 Simana Media Pvt. Ltd.

Design and Development by Cyberlink Pvt. Ltd.