आर्थिक पत्रकारिता सम्बन्धी अन्तरक्रिया तथा प्रशिक्षण कार्यक्रम वीरगञ्जमा सम्पन्न
वीरगंज । नेपाल धितोपत्र बोर्डको आयोजनामा र नेपाल पत्रकार महासंघ, पर्साको सहकार्यमा एक दिने अन्तरक्रिया कार्यक्रम वीरगंजमा सम्पन्न भएको छ ।
बिशेष गरि आर्थिक विषयमा कलम चलाउने पत्रकारहरूका लागि लक्षित एक दिने अन्तरक्रिया तथा प्रशिक्षण कार्यक्रम वीरगञ्जमा सफलतापूर्वक सम्पन्न भएको हो। कार्यक्रम वीरगञ्जस्थित क्लासिक होटेलमा आयोजना गरिएको हो।
कार्यक्रमको नेपाल पत्रकार महासंघका केन्द्रीय लेखा समितिका संयोजक के.सी.लामिछानेले ब्यानर पढेर औपचारिक शुभारम्भ गरेका थिए। कार्यक्रममा नेपाल पत्रकार महासंघ, पर्साका अध्यक्ष ओमप्रकाश खनालको अध्यक्षता रहेको थियो।
कार्यक्रममा नेपाल पत्रकार महासंघ मधेश प्रदेश अध्यक्ष श्याम बन्जारा, नेपाल धितोपत्र बोर्डका प्रतिनिधि नारायण प्रसाद, मिलन मगर, विनोद महर्जनलगायत विशिष्ट अतिथिहरूको उपस्थिति रहेको थियो।
उक्त कार्यक्रममा वीरगञ्जका विभिन्न सञ्चारमाध्यममा संलग्न आर्थिक पत्रकारहरूको उल्लेखनीय सहभागिता रहेको थियो।
सहभागीहरूलाई पूँजी बजारको संरचना, कार्यप्रणाली, नियमन प्रणाली, लगानी सुरक्षाका उपायहरू, तथा बजार विश्लेषणसम्बन्धी विषयमा विस्तृत जानकारी प्रदान गरिएको थियो।
नेपाल धितोपत्र बोर्डका प्रतिनिधिहरूले नेपालको पूँजी बजारको वर्तमान अवस्था, चुनौती तथा सम्भावनाबारे प्रस्तुति दिएका थिए।
साथै, पूँजी बजारसम्बन्धी समाचार लेख्दा ध्यान दिनुपर्ने तथ्यहरू, स्रोतको विश्वसनीयता तथा सूचना सत्यापन प्रक्रिया सम्बन्धी विषयमा समेत सहभागीहरूलाई अवगत गराइएको थियो।
कार्यक्रमको समापनमा सहभागी पत्रकारहरूले यस्ता प्रशिक्षणहरूले आर्थिक पत्रकारितामा गहिरो ज्ञान र व्यावसायिकता अभिवृद्धि गर्ने विश्वास व्यक्त गर्दै आगामी दिनहरूमा अझ व्यवहारिक तथा क्षेत्रीयस्तरमा यस्ता कार्यक्रमहरू निरन्तर आयोजना गरिनुपर्ने अपेक्षा व्यक्त गरेका थिए।
सम्बन्धित शीर्षकहरु
सीमापारी/अन्तराष्ट्रिय
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
धनुषामा भएको घटनाको असर वीरगंजमा,सुरक्षा सर्तकर्ता बढाइयो
वीरगंज । टिकटकमा एकअर्काको धर्म–संस्कृतिलाई लक्षित गरी गरिएको अभद्र टिप्पणीका कारण मधेश प्रदेशमा तनाव बढेको छ। धनुषामा सुरु भएको घटनाको असर पर्साको वीरगञ्जसम्म देखिएको छ।
मानव सेवा आश्रमले दिएको सेवा समाजकालागि निकै अनुकरणीय रहेको छः मन्त्री पटेल
वीरगञ्ज । मधेस प्रदेशका भूमि व्यवस्था, कृषि तथा सहकारी मन्त्री श्याम पटेलले मानव सेवा आश्रमले दिएको सेवा समाजकालागि निकै अनुकरणीय रहेको बताएका छन ।
खेलकुद
एनपीएल सिजन–२ ,काठमाडौँ गोर्खाजको विजयी सुरुआत
काठमाडौं । दोस्रो संस्करणको नेपाल प्रिमियर लिग (एनपीएल) क्रिकेट मा काठमाडौँ गोर्खाजले विजयी सुरुआत गरेको छ। जनकपुर बोल्ट्सले दिएको १३१ रनको लक्ष्य काठमाडौँले १८ ओभरमै ५ विकेट गुमाउँदै पूरा गर्यो।
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
तपाईको प्रतिक्रिया