ट्रान्सपोर्ट मेरो होइन मलाई बदनाम गराउन खोजियोः अध्यक्ष पोख्रेल

इसीमाना सम्वाददाता २०८१ पौष २६ गते ०८: ४७ मा प्रकाशित 648 पटक पढिएको

वीरगंज ।वीरगंज ट्रान्सपोर्ट एशोसिएशनका अध्यक्ष बालकृष्ण पोखरेलले संचारमाध्यमलाई तथ्यपूर्ण समाचार सम्प्रेषण गर्न आग्रह गरेका छन ।

संचारमाध्यमका आएका समाचारले मान्छेको चरित्रमाथि गम्भिर सवाल उत्पन्न हुने भन्दै उनले समाचार तथ्यपूर्ण हुनु पर्ने बताएका हुन ।

इसीमाना डटकम संग कुरा गर्दै अध्यक्ष पोख्रेलले पत्रकारिता राज्यको चौथो अंगको रुपमा सम्मानीत रहेकोले यो सम्मानीत पेशा नियोजित र आग्रहपाूर्ण हुन नहुने बताए ।

उनले केही संचार माध्यमले तथ्य नबुझि समाचार प्रकाशन गरेको र त्यसले अन्यौलता सृजना गरेको भन्दै यस्तो अभिब्यक्ति दिएका हुन । एउटाले समाचार लेख्ने अर्कोले कपीपेष्ट गर्ने प्रवृति पनि बढेको प्रति उनले चिन्ता ब्यक्त गरेका छन । उनले चरित्र हत्या गर्नेगरि काम गर्न नहुने बताएका छन ।

उनले सुनौलो साझा ढुवानी सेवा मार्फत एक व्यापारीले २२ पोका कपडा वीरगंज भन्सारबाट राजस्व तिरी लगेको र सोही सामान डेलिभरी दिन पिकअपमा ११ पोका लोड गरी लैजाने बेलामा ललितपुर जिल्लामा कार्यरत एक घुमुवा महिला प्रहरीको टोली आई पिकअप लैजान खोज्दा ट्रान्सपोर्टको स्टाफले लाने भए २२ पोका माल लानुस आधा लानु हुन्छ आधा यही छोडे पछि गडबड हुन्छ भनि प्रतिवाद गरेको उनले बताए ।

यहि कुराको बिबाद राजस्व अनुसन्धान बिभागमा पुगे पछि बिभागले बिहीबार सशस्त्र प्रहरीको एक टोली पठाइ गोदाम निगरानीमा राखेर ट्रान्सपोर्ट भित्र रहेको ११ पोका सामान एउटा कोठामा राखि आज शुक्रबार ताला साँचो आफ्नो नियन्त्रणमा राखेको हो ।

भएको यही नै हो यही कुरा लाई लिएर बंग्याएर आफ्नो चरित्र हत्या गर्न खोजिएको भन्दै उनले सत्य समाचार प्रकाशन गर्न आग्रह गरेका छन । उनले अरुको नाममा भएको ट्रान्सपोर्ट जबरदस्ती मेरो भएको देखाएर गलत नियत राखी समाचार सम्प्रेषण भएको बताएका छन । त्यो ट्रान्सपोर्ट मेरो होइन मलाई बदनाम गराउन खोजियो यसो गर्नु उचित नभएको पाख्रेलको भनाई छ ।