सहकारीको रकम ठगेका राई मलेशियाको आलीशान महलमा, अर्वौको कारोवार
बीरगंज । बीरगंजको सानो पाइला ऋण तथा सहकारी संस्था सहितका बिभिन्न सहकारीको ठगी प्रकरणमा फरार रहेका गितेन्द्रबाबु (जीबी) राईलाई खोज्न मलेशिया पुगको नेपाल प्रहरीको टोली रित्तै फर्किएको छ ।
एक साताअघि मलेसिया गएका प्रहरी उपरीक्षक (एसपी) र प्रहरी नायब निरीक्षक (सई) बुधबार काठमाडौं फर्किएका छन्। प्रहरी प्रधान कार्यालय स्रोतका अनुसार, टोलीले जीबी राईलाई भेट्न सकेको वा नसकेको खुलाएको छैन ।।
बीरंगजको सानो पाइला, पोखराको सूर्यदर्शन, काठमाडौंको स्वर्णलक्ष्मी लगायत विभिन्न सहकारीहरूमा सर्वसाधारणले गरेको बचत हिनामिना गरेको आरोपमा जीबी राईमाथि मुद्दा परेको छ।
उनी मलेसियामा बसिरहेको थाहा पाएपछि नेपाल प्रहरीले परराष्ट्र मन्त्रालयमार्फत समन्वय गरेर टोली पठाएको थियो। यसअघि पनि कूटनीतिक पहल गरी जीबीलाई नेपाल ल्याउने प्रयास असफल भएको थियो।
राईलाई पक्राउ गर्नकालागि नेपाल प्रहरीले अन्तर्राष्ट्रिय प्रहरी संगठन इन्टरपोललाई उनीसँग सम्बन्धित थप कागजातहरू पठाएको छ। इन्टरपोलले पीडित र साक्षीका बयान कागजहरू माग गरेपछि ती कागजात अनुवाद गरी पठाइएको हो।
यसअघि अदालती कागजातहरू, पक्राउ पूर्जी र अभियोजनका पत्रहरू इन्टरपोललाई पठाइएको थियो।
प्रहरी स्रोतका अनुसार, जीबी राई मलेसियाको क्वालालम्पुरस्थित देशापण्डनमा ७ करोड रुपैयाँभन्दा बढीको अपार्टमेन्ट खरिद गरी बसोबास गर्दै आएका छन्। मलेसियामा ‘सेकेन्ड होम भिसा’ अवधारणाअन्तर्गत बसिरहेका जीबीले १ अर्ब रुपैयाँभन्दा बढी रकम लगानी गरेको प्रहरीको दाबी छ।
मलेसियामा कुनै अपराध नगरेका कारण मलेसियाली सरकारले उनलाई नेपाल फिर्ता गर्न चाहेको छैन।
जीबी राई पुस २०७९ मा त्रिभुवन अन्तर्राष्ट्रिय विमानस्थलमा पुगेका थिए तर पासपोर्ट रोक्का गरिएको कारण उनलाई फर्काइएको थियो। पछि उनी स्थलमार्ग हुँदै भारत पुगेर मलेसिया भागेका थिए। पोखराको सूर्यदर्शन सहकारीबाट मात्र १ अर्ब ५० करोडभन्दा बढी ठगी गरेको आरोपमा जीबी राईसहित २५ जनाविरुद्ध पक्राउ पूर्जी जारी गरिएको छ।
सम्बन्धित शीर्षकहरु
सीमापारी/अन्तराष्ट्रिय
गैरआवासीय नेपाली संघ, राष्ट्रिय समन्वय परिषद बेल्जियमको अध्यक्ष नेपाल सर्वसम्मत
बेल्जियम । गैरआवासीय नेपाली संघ, राष्ट्रिय समन्वय परिषद बेल्जियमको १० औं राष्ट्रीय महाधिबेशनले लोकेन्द्र नेपाललाई अध्यक्षमा सर्वसम्मत चयन गरेको छ ।
भिजिट भिसा प्रकरण ,पत्रकार महासंघ युकेको स्पाष्टोक्ति, गरिमा ख्याल राख्न अपिल
वीरगंज। नेपाल पत्रकार महासंघ यूकेले अधिवेशनको सन्दर्भमा ‘दर्जनभन्दा बढी व्यक्तिले भिजिट भिसा लिएको आशंका’ भन्दै आएका समाचारप्रति गम्भीर आपत्ति जनाएको छ।
क्यानडामा रामकृष्ण ढकाल साँझ भब्य रूपमा सम्पन्न, बचत रकमबाट पशुपतिनाथ मन्दिरमा पुजा कार्यक्रम
टोरण्टो । असार १५ गते ईन्टरनेशनल म्युजिक डे को अबसर पारेर क्यानडाको ब्राम्प्टन शहरमा आयोजना गरिएको “रामकृष्ण ढकाल साँझ“ भब्य रूपमा सम्पन्न भएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सुनसरी दुर्घटना , मृतकको सङ्ख्या पाँच पुग्यो
इनरुवा । सुनसरी भोक्राहा–नरसिंह गाउँपालिका–३ जलुवा टोलस्थित पूर्व–पश्चिम राजमार्गमा आज भएको सवारी दुर्घटनामा मृत्यु हुनेको सङ्ख्या पाँच पुगेको छ ।
भूमिहीनलाई जग्गा वितरणको तयारी, ७ दिनभित्र हकदावी पेश गर्न आयोगले निकाल्यो सूचना
वीरगंज । नेपाल सरकारको भूमि समस्या समाधान आयोग, जिल्ला समिति पर्साले सखुवा प्रसौनी गाउँपालिकाको बिभिन्न वडामा बसोबास गर्दै आएका भूमिहीन दलित, भूमिहीन सुकुम्बासी र अब्यवस्थित बसोवासीलाई जग्गा उपलब्ध गराउने प्रक्रियाबारे ७ दिने सार्वजनिक सूचना जारी गरेको छ।
खेलकुद
क्रिकेटर सन्दीप लामिछानेको सम्मानमा उनको जन्मगाउँमा क्रिकेट रङ्गशाला बनाउन शुरू
स्याङ्गजा । नेपाली राष्ट्रिय क्रिकेट टिमका पूर्व कप्तान क्रिकेटर सन्दीप लामिछानेको सम्मानमा स्याङ्जामा क्रिकेट रङ्गशाला बनाउन शुरू गरिएको छ ।
राष्ट्रपति रनिङ शिल्डमा वीरगंजको लगातार तेस्रो जीत
वीरगंज । वीरगंज महानगरपालिकाले लगातार तेस्रो वर्ष राष्ट्रपति रनिङ शिल्ड प्रतियोगितामा प्रथम स्थान हासिल गर्दै शिल्ड आफ्नो स्थायी स्वामित्वमा ल्याएको छ ।
तपाईको प्रतिक्रिया