आर्थिक वर्षको पहिलो महिनमा बीरगंज भन्सारको राजस्व असुली लक्ष्य भन्दा कम

इसीमाना सम्बाददाता २०८१ भदौ ४ गते १४: ३४ मा प्रकाशित 195 पटक पढिएको

वीरगञ्ज । वीरगञ्ज भन्सार कार्यालयले चालु आर्थिक वर्षको पहिलो महिना साउनमा १२ अर्ब १६ करोड ३२ लाख ५८ हजार राजस्व सङ्कलन गरेको छ ।

साउनमा १६ अर्ब ८६ करोड ८७ लाख ४० हजार राजस्व सङ्कलन गर्ने लक्ष्य निर्धारण गरेको थियो तर कार्यालयले लक्ष्यको ७२ दशमलव ११ प्रतिशत सङ्कलन गरेको हो । राजस्व संकलनको लक्ष्य हासिल गर्न नसके पनि

भन्सार कार्यालय बीरगंजले राजस्व असुली उत्साहजनक भएको जनाएको छ ।

गत आर्थिक वर्षमा १५ अर्र्व ६२ करोड ३७ लाख ७२ हजार राजस्व् संकलनको लक्ष्य निर्धारण गरेको थियो । गत वर्ष पनि लक्ष्य अनुसारको राजस्व उठेको थिएन ।

लक्ष्य भन्दा २४ प्रतिहत कम अर्थात ११ अर्व ८६ करोड ८४ लाख ४७ हजार राजस्व संकलन भएको थियो ।

चालु आवको पहिलो महिनामा वीरगञ्ज भन्सार हुँदै रु ४६ अर्ब ५९ करोड २६ लाख ९६ हजार मूल्य पर्ने वस्तु तथा सामान आयात भएको छ भने यही अवधीमा २ अर्ब ६५ करोड ६६ लाख ६८ हजार मूल्यपर्ने स्वदेशी सामान निर्यात भएको छ ।

गत आव २०८०र८१ को साउनमा दुई अर्ब ४७ करोड ९१ लाख ६७ हजार मूल्य पर्ने वस्तु तथा सामान निर्यात भएको थियो ।

गत आवको तुलनामा चालु आवको साउन महिनामा सात दशमलव १६ प्रतिशतले निर्यात बढेको हो । आयातको हिस्सा ९५ प्रतिशत र निर्यातको हिस्सा पाँच प्रतिशत रहेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।