सरकारी कार्यालयले नै तिर्दैनन् खानेपानी महसुल १२ करोड उठाउन बाँकी

इसीमाना सम्बाददाता २०८१ सावन १५ गते १५: ०१ मा प्रकाशित 229 पटक पढिएको

वीरगञ्ज । बीरगंजका सबैजसो सरकारी कार्यालयले खाने पानीको महशुल बाँकी राखेका छन । सरकारी कार्यालय र नीजि ग्राहकहरुले ०८१ सालको असार मसान्त सम्ममा १२ करोड ३३ लाख रुपैया महशुल बाँकी राखेका छन ।

महशुल नतिरेका कारण प्रति वर्ष बक्यौता रकम बढ्दै गएको छ ।सरकारी अड्डाले खाने पानीको प्रयोग बापतको करिव ४ करोड रुपैया महशुल भूक्तानी गरेका छैनन । ८ करोड रुपैया निजी ग्रहकले तिरेका छैनन ।

वर्षौ देखी महशुल भूक्तानी नभएका कारण बक्यौता रहक बढेको कार्यालय प्रमुख मन्दीप श्रेष्ठको कथन छ ।

कार्यालयका अनुसार नारायणी अस्पतालको मात्रै बक्यौता १ करोड ८४ लाख ७८ हजार नौ सय ७० छ । वीरगञ्ज महानगरपालिका र सो मातहतका वडा कार्यालयको बक्यौता एक करोडभन्दा बढी छ । ठाकुरराम क्याम्पसको ४९ लाख ६१ हजार चार सय १७ छ ।

जिल्ला प्रशासन कार्यालय पर्साको पनि बक्यौता ३५ लाख १० हजार चार सय ४७ छ । कार्यालय प्रमुख श्रेष्ठले खानेपानीको बिलअनुसारको महसुुल तीन महिनाभित्र भुक्तानी नगरेको खण्डमा ५० प्रतिशत जरिवाना लाग्ने प्रावधान रहेको बताए ।

०८१ को असार मसान्तसम्मको अवधिमा बीरगंज महानगरभित्र ११ हजार एक सय ३९ घरपरिवारमा खानेपानीको लाइन जडान भएको छ । कार्यालयले गत आवमा सानाठूला गरेर २१ किलोमिटर लम्बाइको पाइप लाइन विस्तार गरेको जनाएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।