लागू औषध गाँजा सहित नेपाली र भारतीय गरि ७ जना पक्राउ

इसीमाना सम्वाददाता २०८० सावन २२ गते ०६: ११ मा प्रकाशित 392 पटक पढिएको

सीमरा । जितपुरसिमरा उपमहानगहरपालिका–२२ स्थित २ नम्बर जंगलमा १ सय ५७ केजी प्रतिवन्धित लागु औषध गाँजा सहित ७ जनालाई प्रहरीले पक्राउ गरेको छ ।

आईतबार बेलुका ६ बजेको समयमा बाराको जितपुर सिमरा उपमहानगरपालिका वडा नम्बर २२ अम्लेखगञ्जमा अबैध लागू औषध ओसार पसार गरी रहेको गोप्य सूचनाको आधारमा गएको ईलाका प्रहरी कार्यालय सिमराको टोलीले गाँजा सहित सातजनालाई पक्राउ गरेको हो ।

बा. ११ च। ४९९२ नम्बरको स्कारपियोमा जितपुर सिमरा वडा नम्बर १ बस्ने किताव सिंह नेगीको छोरा वर्ष ३९ का रोशन नेगीले ओसार पसार गरिरहेको अवस्थामा ६ पोकामा १ सय ५७ किलो ग्राम अबैध लागू औषध गाँजा बरामद गरेको जिल्ला प्रहरी कार्यालय बाराका प्रवक्ता प्रहरी नायव उपरीक्षक दधिराम न्यौपानेले जानकारी दिए ।

मकवानपुरको भैसेबाट बा. ११ च ४९९२ नम्बरको स्कारपियोमा ६ वटा पोका गाँजा ल्याएको सूचना प्रहरीले प्रप्त गरेको थियो ।

गाँजा ओसारपसारमा अन्य ४ जना भारतीय नागरिक र २ जना नेपाली नागरिकलाई बीआर ०५ जी ८६५६ नम्बरको भारतीय पिकअप र बीआर ०५ ए जेड ८९६१ नम्बरको भारतीय मोटरसाइकलसहित नियन्त्रणमा लिइएको कुरा समेत प्रहरीले जनाएको छ । पक्राउ पर्नेहरुमा मकवानपुरको भिमफेदी गाउँपालिका वडा नम्बर ९ बस्ने अन्दाजी बर्ष ३० को मुकेश लामा, बाराको जितपुर सिमरा उपमहानगरपालिका वडा नम्बर २२ बस्ने अन्दाजी बर्ष ३३ को बुद्द पाख्रिन रहेका छन् ।

त्यस्तै भारतको जिल्ला बहराईच बस्ने अन्दाजी बर्ष २६ को अलि अहमद भाट, भारत, मोतिहारी बस्ने बर्ष २३ को जमालुदिन खान, १८ बर्षीय देव कुमार, बर्ष ३५ को जागिरदिन मियाँलाई पनि पक्राउ गरिएको प्रहरी नायव उपरीक्षक न्यौपानले बताउनुभयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।