उनाइस लाख पचास हजार रकमसहित हुण्डी कारोबार गर्ने तीन जना पक्राउ

इसीमाना सम्वाददाता २०८० बैशाख ६ गते ०८: २२ मा प्रकाशित 502 पटक पढिएको

प्रहरीले स्रोत नखुलेको रकम सहित तीन जनालाई अलग अलग स्थानबाट फक्राउ गरेको छ । पक्राउ पर्नेमा बारा जिल्लाको परवानीपुरगाउँपालिका वडा–३ लिपनीमालका ३४ वर्षिय कृष्ण प्रसाद सोनार,सोही ठाउँका ३९ वर्षिय सुनिल साह कानु र जितपुर सिमरा उपमहानगरपालिका वडा–७ का ३२ वर्षिय छठु महत्तोलाई पक्राउ गरेको हो ।

सोनार र साहलाई प्रहरीले मंगलवार वीरगंज महानगरपालिकाको वडा –८ को सडक खण्डमा चेकजाँचको त्रफममा गिरफ्तार गरेको हो ।

सोनारको साथबाट प्रहरीले १ लाख ६० हजार र कानुको साथबाट ३ लाख ९० हजार रुपैया बरामद गरेको छ ।

रुपैयाको स्रोेत नखुलेका कारण बैंक तथा वित्तीय संस्था सम्बन्धी ऐन, २०७३ बिरूद्वको कसूरमा उनीहरु बिरुद्ध अनुसन्धान भइरेको जिल्ला प्रहरी कार्यालय पर्साका प्रवक्ता प्रहरी नयव उपररिक्षक दीपक गिरीले जानकारी दिए ।

त्यसैगरि बुधवार वीरगंज महानगरपालिकाको वडा –११ को सडकखण्डमा प्रदेश ३/०३/००१ प १२३३ नम्बरको मोटर साइकल लाई रोकी कानूनी रीतपुर्‍याई चेकजाँच गर्दा नेपाली १४ लाख रुपैया बरामद भएको छ । महतो बिरुद्ध पनि बैंक तथा वित्तीय संस्था सम्बन्धी ऐन, २०७३ बिरूद्वको कसूरमा अनुसन्धान तथा कारवाही भैरहेको गिरीले जानकारी दिए।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।