वीरगन्ज । बिल बिजक भन्दा बढी खुद्रा, हार्डवेयर तथा लत्ताकपडाहरू लोड रहेको ट्रक पर्सा प्रहरीले नियन्त्रणमा लिएको छ ।
वीरगञ्जबाट धनुषा र सिन्धुली तर्फ लैजाँदै गरेको ट्रकमा बिल विजक भन्दा बढी विभिन्न किसिमका खुद्रा, हार्डवेयर तथा लत्ताकपडाहरू फेला परेको हो ।
प्रहरीले विशेष सूचनाको आधारमा वीरगञ्ज महानगरपालिका वडा नं–८ घण्टाघर स्थित सडकखण्डबाट सोमबार नियन्त्रणमा लिएको हो ।
नियन्त्रणमा लिएका ना.३ ख ५३८४ र ना.३ ख ६०७५ नम्बरको मालवाहक ट्रकलाई खानतलासी गर्दा विल विजक भन्दा बढी मालबस्तुहरू लोड रहेको पाईको र विल बिजक पनि शंकास्पद देखिएकोले नियन्त्रणमा लिएको जिल्ला प्रहरी कार्यालय पर्साका निमित्त प्रमुख प्रहरी नायव उपरीक्षक दिपक गिरीले जानकारी दिए।
शंकास्पद विलविजकको दुबै ट्रक र सामान सहितको मूल्य ९९ लाख ९८ हजार २ स य८० मूल्यांकन गरी थप अनुसन्धान तथा आवश्यक कारवाहीकोलागि राजश्व अनुसन्धान कार्यालय पथलैया, बारामा बुझाइएको प्रहरी नायव उपरीक्षक दिपक गिरीले बताए । नियनत्रणमा लिइएको माल समानको बजार मूल्य अन्दाजी १ करोड बराबर रहेको छ ।
तपाईको प्रतिक्रिया