बीरगन्ज । पटकपटक बाटोमा फोहोर फ्याकेकोले एन आइ सी एशिया बैक बीरगन्जशाखालाई बीरगन्ज महानगर पालिकाले ११ हजार जरिवाना गरेको छ । महानगर पालिकाले पहिलो पटक चेतावनी र दोश्रो पटक ५ हजार जरिवाना यस अघि नै गरेको थियो ।
एन आई सी बैकले आफनो आचरण सुधार गर्नु भन्दा पनि सडकमै फोहर फाल्ने प्रबृतिमा सुधार नगरेपछि महानगरले फेरी दण्डीत गरेको हो । अनुगमनको क्रममा सरसफाइको गाडीमा फोहोर नदिएर बाटोमा फोहोर फ्याकेको भेटिएपछि ११ हजार जरिवाना गरिएको सरसफाइ अधिकृत सर्फुदिन मियाँले जानकारी दिए ।
बैक जस्तो जिम्मेवार संस्थाबाट यसरी पटकपटक फोहोर फ्याँक्नु कानुन र मर्यादाको विपरीत भएकोले अब उप्रान्त फ्यालिएको भेटिएमा २५ हजार देखि २ लाख जरिवाना गरिने सरसफाइ पार्किङ संयोजक प्रकाश खेतानले बताए ।
बीरगन्ज महानगर पालिकाले सरसफाइलाई प्राथमिकतामा राखी अभियाननै चलाएको खेतानले बताए । ५ सय रुपैया बाट सुरु गरेको जरिवाना १ हजार , ५ हजार सम्म गर्दै आएको छ । ११ हजार जरिवाना गरेको यो पहिलो हो खेतानले भने ।
तपाईको प्रतिक्रिया