राजस्व सचिव रामेश्वर दंगालले नेपालमा चीनीको तस्करी बढेको भन्दै चिन्ता ब्यक्त गरेका छन । भारतले चीनी निर्यातमा प्रतिवन्ध लगाएकोले पनि तस्करी बढेको चर्चा गर्दै उनले अवैध कारोवार नियन्त्रणमालागि परिचालन भएका संरचनाहरुको काम सन्तोष जनक नभएको उनको भनाई छ ।
बिहीबार राजधानीमा आयोजित तराई विकास तथा सन्चार केन्द्र नेपालले नेपालको वर्तमान आर्थिक अवस्था र सुधारका विषयमा आयोजना गरेको कार्यक्रममा सचिव दंगालले यस्तो खुलासा गरेका हुन् । उनले चीनी संगै कपडाको पनि चोरी पैठारी बढेको बताए । बिधुतीय समाग्री,खाद्य समाग्री र कपडाको तस्करी पनि बढेको उनले बताए ।
खुला सीमानाका कारण यो समस्या देखिएको उनको भनाइ छ । यसले राजस्वमा प्रत्यक्ष असर परेको उनको भनाइ छ । उनले यसो भन्दै गर्दा सीमामा परिचालीत सुरक्षा संयन्त्रको काममा प्रश्न उठेको समेत स्मरण गर्नु पर्नेमा जोड दिए ।
राजस्व घट्नुमा गाडी, १५० सिसीभन्दा माथिका मोटरसाइकल, मदिरा र निश्चित रकमभन्दा बढीको मोबाइल आयातमा लगाएको प्रतिबन्धले पनि राजस्वमा प्रभाव परेको उनले दावी गरे ।
तपाईको प्रतिक्रिया