कोरोना भाइरस संक्रमण रोकथाम नियन्त्रण तथा उपचार कोषमा क्लबको सहयोग

5/4/2020 गते 00 00 मा प्रकाशित 1373 पटक पढिएको

बीरगंज २२ बैशाख।

बीरगंज महानगरपालिकाले स्थापना गरेको कोरोना भाइरस संक्रमण रोकथाम नियन्त्रण तथा उपचार कोषमा को ओपरेटिभ म्यानेजर्स क्लब पर्सालेआर्थिक सहयोग गरेको छ ।

कोरोना भाइरस संक्रमण रोकथाम तथा नियन्त्रण कोषमा क्लबले रु २५ हजार सहयोग गरेको हो । सहयोग रकम बराबरको चेक को ओपरेटिभ म्यानेजर्स क्लब पर्साका अध्यक्ष जिष्णु बरालले वीरगंज महानगरपालिकाका मेयर विजय कुमार सरावगीलाई हस्तान्तरण गर्नु भयो ।

कोरोना भाइरस संक्रमणबाट बच्न र बचाउनका लागि थोरै भएपनि सहयोग पुगोस भन्ने अभिप्रायले उक्त रकम सहयोग गरिएको क्लब पर्साका उपाध्यक्ष चन्देश्वर प्रसाद चौरसियाले वताउनुभयो ।

यस अघि सहकारी आन्दोलनका अगुवा राष्ट्रि सहकारी बोर्डका सदस्य शम्भू गुप्ताले प्रदेश भरिका सहकारीलाई यो अवस्थामा सहयोग गर्न र सम्बन्धित स्थानीय सरकारमा मार्फत सहयोग र सेवामा जुटन अपिल गर्नु भएको थियो । त्यही अपिललाई सम्मान गर्दै क्लबले सहयोग उपलब्ध गराएको हो ।

मेयर सरावगीले सहयोगको लागि को ओपरेटिभ म्यानेजर्स क्लबलाई धन्यावाद दिदै अगामी दिनमा पनि यसरी नै सहयोग प्राप्त भइरहने छ भने विश्वास समेत व्यक्त गर्नु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।