काठमाडौं, १४ बैसाख । कोरोना संकटका बेला थर्मल गनको कालोबजारी गरेका कारण पक्राउ परेका उद्योगी सुलभ अग्रवालविरुद्ध प्रहरीले तीन वर्ष कैदसहित चार मुद्दा चलाउन माँगदावी  गरेको छ ।

हुनत देश हामी बनाउछौ भनेर टेलिभिजनमा प्रचार गर्ने जगदम्बा स्टील (शंंकर ग्रुप)  मालिक शुलभ अग्रवाल कालोबजारी गरिरहेको अवस्थामा  पक्राउ परेलगत्तै छुटाउनकालागि सेटिङ्ग गर्नेहरुको सक्रियता पनि त्यतिकै बढेको छ । 

अग्रवालविरुद्ध चार मुद्दामा तीन वर्ष कैद र १५ लाख ७८ हजार ९ सय १३ रुपैयाँ बिगो माग गरिएको काठमाडौं प्रहरी परिसरका एसपी सोमेन्द्रसिंह राठौरले जानकारी दिनु भएको छ  ।

परिसरले कालोबजारी, अवैध भण्डारण, कृत्रिम अभाव सिर्जना र सार्वजनिक पदको दुरुपयोगमा मुद्दा चलाउन सिफारिस गरेको हो । अग्रवालविरुद्धको मुद्दामा अनुसन्धान सकेर सरकारी वकिलको कार्यालयमार्फत जिल्ला प्रशासन कार्यालयमा मुद्दा दर्ता गर्ने प्रहरीको तयारी छ ।तर प्रहरीले मुद्धालाई अदालती प्रक्रियाबाट किन लान चाहेन भन्ने प्रश्न पनि उठेको छ । 

प्रहरीको “स्टिङ अप्रेसन”बाट पक्राउ परेका अग्रवाललाई अदालतमा उपभोक्तासम्बन्धी कानुनअनुसार पेस गरेको भए कडा कारबाही हुन सक्थ्यो । तर,  उनलाई जोगाउन मुद्दा कमजोर बनाउन चलखेल भएको स्रोतको भनाइ छ । जिल्ला प्रशासन कार्यालयमार्फत कालोबजारीसम्बन्धी मुद्दा चलाउनुले पनि यो कुरालाई बल पुर्याएको देखिन्छ ।

अर्वपति अग्रवाललाई यो खालको “सहुलियत” दिने वतावरण बनाउन सत्तापक्ष र प्रतिपक्षका नेताहरुले निकै ठुलो कसरत गरेका छन । त्यसकोलागि करोडौमा सेटिङ भएको स्रोतको दावी छ ।

कोरोना भाइरसको संक्रमणका बेला कालो बजारी गर्ने उद्योग व्यवसायी सुलभ अग्रवाललाई मुलुकी अपराध संहिता, २०७४ अन्तर्गतको ठगीमा मुद्दा चलाउनुपर्नेमा फितलो कानुन लगाइएको उपभोक्ता हित संरक्षण मञ्चको टिप्पणी छ ।

म बनाउछु मेरो देश बलीयो भन्दै विज्ञापन बजाउने जगदम्बा सिमेन्ट र जगदम्बा छड तथा युनीयन लाईफ इन्सुरेन्स र दर्जनौ कम्पनीका मालीक सुलभ अग्रवालले संकटको बेलामा नागरिक ठग्ने मात्र काम गरेको हो र ?कुटनीतीक नियोगको निलो नम्बर प्लेटको गाडीमा ज्वरो नाप्ने थर्मल गनको कालो धन्दा गरेर राष्ट्रकै बेइज्जत गरे । 

कालोबजारी सुलभ अग्रवाल लाई छुटाउन स्वयम राज्य मन्त्री मोतीलाल दुगड हात धोएर लागी परेका  छन । गृहमन्त्री प्रधानमन्त्री र सत्तारुढ नेकपाका अध्यक्ष प्रचण्ड प्रतिपक्षी दलका नेता शेर बहादुर देउवालाई समेत  हारगुहार गरिएको छ । 

नेपालका लागि कीर्गिस्तानका अवैतनिक दूत समेत रहेका अग्रवालले कूटनीतिक सुविधाको गाडी दुरुपयोग गर्दै कालोबजारी गरिरहेका बेला चैत २५ गते ६७ थान थर्मल गनसहित पक्राउ परेका थिए । अग्रवाल चीनबाट २ हजार ४ सयमा खरिद गरेका थर्मल गन १५ हजार रुपैयाँमा बेचिरहेको अवस्थामा पक्राउ परेका थिए ।

उनले ५ करोड लगानी गरेर २० हजार थान र्थमल गन नेपाल भित्रायका थिय । तर भन्सारमा १२ सय थानको मात्रै भन्सार बुझाएका थिए । ३५ सय पर्ने र्थमल गन उनले भनेकै मुल्य १५ हजारमा बेच्न पाएका भए २५ करोड कुम्ल्याउँथे । तर अग्रवालको कालो धन्दाको पछाडी किर्गीस्तान दुतावासको निलो नम्बर प्लेटको कुटनितीक नियोगको गाडी र त्यस भित्रको कालो धन्दा पर्दाफास भएको थियो । 

कालोबजारी सुलभ अग्रवाल लाई छुटाउन स्वयम राज्य मन्त्री मोतीलाल दुगड हात धोएर लागी परेका खबर सार्वजनीक भैरहेका छन । गृहमन्त्री प्रधानमन्त्री र सत्तारुढ नेकपाका अध्यक्ष प्रचण्डलाई समेतलाइ हारगुहार गरिएको छ । 

कालोबजारी गरिरहेको अवस्थामा प्रहरीले अग्रवाललाई नाटकीय ढंगले पक्राउ गरेको थियो । तर, त्यसयता उच्च तहबाट लगातार दबाब आइरहेपछि अग्रवालमाथिको अनुसन्धानमा अलमल हुँदै आएको छ ।