वीरगंज, १२ असार ।
    वीरगंज महानगरपालिकाले आव २०७५–०७६ को लागि प्रस्तुत गरेको ४ अर्ब ९४ करोड ३१ लाख ७७ हजारको अनुमानित बजेट अति नै चुनौतीपूर्ण हुने देखिएको छ ।

वीरगंज महानगरलाई सरकारबाट सशर्त ५५ करोड, प्रदेश सरकारबाट सशर्त ३ करोड र नेपाल सरकारबाट समानीकरण अनुदानबापत ४३ करोड १७ लाख र प्रदेश सरकारबाट समानीकरण अनुदान ७७ करोड ९९ लाख प्राप्त हुने अनुमान बजेटमा गरिएको छ । 

    ठूलो सङ्ख्यामा अनुमानित बजेट प्रस्तुत गर्ने क्रममा महानगरपालिकाले एडिबीद्वारा सञ्चालित परियोजनाको कामलाई पनि आव २०७५–७६ मा आप्mनो अनुमानित बजेटमा समावेश गरेको छ ।

एडिबी, नेपाल सरकारद्वारा दोस्रो चरणमा सञ्चालन हुन गइरहेको २ अर्ब ६२ करोड ८२ लाख ९५ हजारको योजनामा महानगरले पारस्परिक रकमबापत १० प्रतिशत मात्र भुक्तान गर्नुपर्ने हुन्छ । यो रकमलाई महानगरले  अनुमानित आयमा समावेश गर्नुपर्ने कुनै कारण रहेको देखिन्न । यो अलग्गै आयोजना भएकोले यसको रकम अनुमानित आयमा प्रस्तुत गरेर बजेटको अङ्क बढाउने काम मात्रै भएको छ । 

    यता वार्षिक आय घटिरहेको सन्दर्भमा महानगरले आगामी आवमा ५९ करोड ५३ लाख ६० हजार राजस्व सङ्कलन गर्ने लिएको लक्ष्य पनि चुनौतीपूर्ण छ । महानगरको तथ्याङ्क अनुसार आव २०७३–७४ मा २० करोड लक्ष्य राखिएकोमा १८ करोड सङ्कलन भएको थियो र चालू आवमा २६ करोड लक्ष्य राखएकोमा १३ करोड मात्रै सङ्कलन भएको छ ।

५९ करोड आगामी आवमा सङ्कलन गर्ने लक्ष्य यस अर्थमा पनि चुनौतीपूर्ण छ कि महानगरले यो लक्ष्य प्राप्त गर्न प्रदूषण कर सङ्कलन गर्ने र त्यसबाट १५ करोड उठाउने अठोट लिएको छ । यद्यपि यो अठोट महानगरले प्रस्तुत गरेको बजेट नीति तथा कार्यक्रममा सवावेश गरिएको छैन । 

    नगरपालिका स्रोतका अनुसार प्रदूषण कर १५ करोड, एकीकृत सम्पत्ति कर २० करोड ८४ लाख, घर बहाल कर ३ करोड, व्यवसाय कर ४ करोड, निकासी, कबाडी, बालुवा गिट्टीबाट ६ करोड र सवारी करबाट साढे ५ करोड गरी ५९ करोड ५३ लाख आन्तरिक राजस्व सङ्कलनको लक्ष्य राख्नु नै चुनौतीपूर्ण छ । 

    महानगरले हालसम्म प्रदूषणमा कर लगाएको थिएन । एकाएक प्रदूषण कर लगाउने र त्यसबाट १५ करोडको लक्ष्य लिनु चुनौतीपूर्ण भएको जानकारहरू बताउँछन् । यसले महानगरको व्यापार व्यवसाय प्रभावित पार्ने देखिन्छ । 
    यसैगरी एकीकृत सम्पत्ति करको लक्ष्य बढाएर २० करोड ८४ लाख पारिएको छ । गत वर्ष सबै कर गरेर १३ करोड सङ्कलन भएको सन्दर्भमा यस वर्ष २१ करोडको लक्ष्य लिनु पनि चुनौतीपूर्ण देखिन्छ । 

    यसैगरी लामो समयदेखि विवादित सवारीकर चालू आवमा ३ करोड ७१ लाख सङ्कलन लक्ष्य रहेको छ । यसलाई पनि वृद्धि गरेर साढे ५ करोड पारिएको छ । घरबहाल कर, व्यवसाय करको लक्ष्य पनि बढाइएको छ जुन आपैmमा चुनौतीपूर्ण छ । निकासी, कबाडी, बालुवा, गिट्टी यस वर्षदेखि यो कर महानगरले थपेको छ ।आजको प्रतीकमा खवर छ