यातायात क्षेत्रको विकासका निम्ति नीति बनाइने छ - मुख्यमन्त्री राउत

3/14/2018 गते 00 00 मा प्रकाशित 1198 पटक पढिएको

सिमरा, ३० फागुन । प्रदेश नम्ब्र २ का मुख्यमन्त्री लालबाबु राउतले यातायात क्षेत्रको विकासका निम्ति प्रदेश सरकारले आवश्यक नीति निमार्ण गर्ने प्रतिवद्धता ब्यक्त गरेका छन ।

तराई यातायात ब्यवसायी संघ सिमराको १३औं साधारण सभालाई आज सम्बोधन गर्दे मुख्यमन्त्री राउतले निजी क्षेत्र र सरकारको सहकार्य बिना विकास सम्भव नभएको बताए ।

कार्यक्रमलाई सम्बोधन गर्दै प्रदेश नम्बर २ का भौतिक पूर्वाधार मन्त्री जितेन्द्र सोनलले मुलुक नयाँ ब्यवस्थामा गएसंगै सबै क्षेत्रको साझा आवधारणाबाट अगाडी बढन आवश्यक रहेको बताए ।

यसैगरी ट्रक ब्यवसायी महासंघका अध्यक्ष अर्जुन रानाभाटले साढे ते¥ह प्रतिशत राजश्व मुलुकलाई बुझाउने यातायात क्षेत्रको विकासका राज्य सहयोगी बन्न नसकेको आरोप लगाए ।

१० करोड २५ लाख ३४ हजार ४ सय ९५ वार्षिक आम्दानी रहेको यस तराई यातायात ब्यवसायी संघले सवारी सदस्य धनीको लागि ५ लाख र चलकको लागि ३ लाख बराबराको दुर्घटना बिमाको सेवा दिदै आएको संघका अध्यक्ष ओमकृष्ण कार्कीले जानकारी दिए ।

संघका अध्यक्ष कार्कीको अध्यक्षतामा सम्पन्न कार्यक्रममा प्रदेश नम्बर २ का प्रदेश सभा सदस्य सुन्दर विक, सिता गुरुङ्ग, बाराका प्रमुख जिल्ला अधिकारी विजयनारायण मानान्धर, बाराका प्रहरी उपरिक्षक राजकुमार बैदवार लगाएत यातायात ब्यवसायीहरुको उपस्थिति रहेको थियो । कार्यक्रममा संघका महासचिव शंकर कुमार विष्टले सहजिकरण गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।