पोखरिया र पकाहामा उपभोक्ता हित संरक्षण मंच बन्यो, उपभोक्ता आन्दोलनले गती लिने

11/7/2020 गते 00 00 मा प्रकाशित 980 पटक पढिएको

उपभोक्ता हित संरक्षण मञ्च नेपाल पोखरिया नगर कमिटी गठन भएको छ ।भगवान साह कानुको अध्यक्षतामा ११ सदस्यीय पोखरिया नगर कमिटी गठन भएको हो ।

कमिटीको उपाध्यक्षमा राजकपुर राउत , सचिवमा गुल्सन त्रिपाठी , कोषाध्यक्षमा ध्रुबतारा केवट , सदस्यहरुमा सहजान खातुन , श्याम बहादुर यादव , जितेन्द्र पटेल , अशोक साह , लोकेन्द्र बहादुर साह , सिताराम साह र मैजुन खातुन रहनु भएको छ ।पोखरिया नगर सभाहलमा शनिबार भगवान साह कानुको अध्यक्षतामा भएको भेलाले नगर कमिटी गठन गरेको हो ।

भेलामा उपभोक्ता हित संरक्षण मंचका केन्द्रीय सदस्य धिरज शर्माले बजारमा माछा मासु र मिठाईका अब्यवस्थित पसलहरुलाई ब्यवस्थित बनाउने अभियान चलाउन आग्रह गनुृ भयो ।

उहाँले उपभोक्ताको हित रक्षाकालागि सम्बैधानिक प्रवन्धहरु रहेको चर्चा गर्दै स्थानीय तहमा उपप्रमुखको नेतृत्वमा बजार अनुगन समिति बन्ने उहाँले जानकारी दिनु भयो ।

उहाँले बजारमा उपभोक्ताको हित प्रतिकूलका गतिविधि नियन्त्रण गर्न र त्यस्तो गर्नेलाई दण्डीत गर्न समितिलाई अधिकार रहेको चर्चा गर्नु भयो । कार्यक्रममा उत्पादक आफै पनि उपभोक्ता भएको चर्चा गर्दै उपभोक्ताको जीवनसंग कसैले खेलवाड गर्न नहुने बताउनु भयो ।

मुनाफाकोलागि उपभोक्ताको हित बिपरितको काम गर्नेलाई छुट नदिइने वतावरण बनाउन मंचले सक्रियता देखाउन आवश्यक रहेको बताउनु भयो । बस्तु र सेवा उपभोग गर्ने उपभोक्तालाई आफुले तिरेको मुल्य अनुसार सामानको क्वालिटि , सहि वजन र उचित मुल्य भएको हुनु पर्ने चर्चा गर्दै तिरेको रकम बराबरको बिल बिजक अनिवार्य लिनु उहाँले अपिल गर्नु भयो । उपभोक्ता ठगिनुबाट जोगिन पभोक्ता पनि जागरुक हुनु पर्नेमा उहाँको जोड थियो ।

त्यसैगरि आजै पर्सा जिल्लाको पकाहा मैनपुरमा पनि मंचको गाउँपालिका कमिटी गठन भएको छ ।ललन कुमार पटेलको अध्यक्षतामा ७ सदस्यीय गाउँपालिका कमिटी गठन भएको हो। पकाहा मैनपुरमा भएको भेलामा नवनिर्वाचित अध्यक्ष ललन पटेल र पोखरिया नगर कमिटीका अध्यक्ष भगवान प्रसाद साहले आफनो प्रतिवद्धता मन्तब्य ब्यक्त गर्नु भएको थियो । कार्यक्रममा बीरगंज महानगर कमिटीका अध्यक्ष अजित भूजेलले शुभकामना तथा बधाई दिनु भएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।