कार्तिक २३ देखी कक्षा ८ देखि १० कक्षाको पढाई संचालन गर्ने वीरगन्ज महानगरको निर्णय

11/2/2020 गते 00 00 मा प्रकाशित 791 पटक पढिएको

इसीमाना सम्वाददाता
बीरगंज १७ कार्तिक २०७७

वीरगन्ज महानगरपालिकाले नगरक्षेत्र भित्रका सामुदायिक विद्यालयहरु संचालन गर्ने निर्णय गरेको छ ।

पहिलो चरणमा कक्षा कक्षा ८ देखि १० सम्मको अध्ययन अध्यापन शुरु गर्ने निर्णय गरेको हो ।

महानगरपालिकाले आईतबार विद्यालय व्यावस्थापन समितिका पदाधिकारी तथा सामुदायिक विद्यालयका प्रधानाध्यापकहरुसँगको छलफलपछि आउँदो कार्तिक २३ गते आईतबारदेखि नगरक्षेत्रका कक्षा ८, ९ र १० को पढाई सुरु गर्ने निर्णय गरेको हो ।

वीरगन्ज महानगरपालिकाका प्रमुख विजय कुमार सरावगीको अध्यक्षतामा बसेको प्रधानाध्यापक र विद्यालय व्यावस्थापन समितिका अध्यक्षहरुको बैठकले विद्यालय खोल्ने सम्बन्धमा विभिन्न विषयहरु माथि छलफल गरेर कार्तिक २३ गतेदेखि पठन पाठन सुचारु गर्ने निर्णय लिएको हो ।

कोरोना भाईरस संक्रमणको महामारीले ७ महिना भन्दा लामो समयसम्म विद्यालयहरु बन्द रहेका छन् । कतिपय सामुदायिक विद्यालयहरु क्वारेन्टिन र आईसोलेसनका लागि समेत प्रयोग गरिएकोले ती विद्यालयहरुलाई निसंक्रमण गरेर स्वास्थ्य सुरक्षा मापदण्ड अपनाएर पठनपाठन शुरु गर्ने निर्णय भएको महानगर प्रमुख सरावगीले बताउनुभयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।