सुदुरपश्चिमको धार्मिक आस्थाको केन्द्र जगदम्वा भगवती मन्दीरको बिकासकालागि कार्कीद्वारा एक लाख सहयोग प्रदान

10/21/2020 गते 00 00 मा प्रकाशित 944 पटक पढिएको

जगदम्वा भगवती बिकास समाजलाई अस्मिता कार्कीले १ लाख १ हजार ११ रुपैया आर्थिक सहयोग गर्नु भएको छ । दार्चुला जिल्लाको मालिकार्जुन गाउँपालिका वडा नं २ मा रहेको मन्दीरको पूर्वाधार बिकासमा बीरगंज महानगरपालिका हाल वडा नं ८ पानीटंयाकी निवासी कार्कीले आर्थिक सहयोग उपलब्ध गराउनु भएको हो ।

भगवतीको मन्दीरमा श्रद्धा पूर्वक पूजा आराधना गरेमा मनले चिताएको पुरा हुने जनबिश्वास रहेको छ । दशैको बेलामा मन्दीरमा श्रद्धालु भक्तजनहरुको निकै घुइचो लाग्ने गर्दछ ।

तर यस वर्ष कोरोना संकटका कारण भिड नहुने भएकोले सामान्य पूजा अर्चना गर्ने र मन्दीरको मरम्त सम्भारको काम हुने माट्रिका आइ फाउण्डेशनका संयोजक मधेश सिंह धामीले जानकारी दिनु भयो ।

बीरगंजमा आखाँको अस्पताल संचालन गरेर सैयौ ब्यक्तिको निशुल्क आखाँको अप्ेशन गरेर मानवीय सेवामा महत्वपूर्ण योगदान गरिरहेको फाण्उडेशनका संयोजक धामीको गृहगाउको मन्दीरमा उहाँको धर्मपत्नी अस्मिता कार्कीले सहयोग प्रदान गर्नु भएको हो । त्यसैगरि चन्द्रसिंह धामीले पनि ५१ हजार रुपैया सहयोग राशी उपलब्ध गराउनु भएको छ ।

मन्दीरमा मंसिर महिनामा भब्य जात्रा लाग्ने गर्दछ । सुदुर पश्चिमको प्रमुख गौरा पर्व पनि यही मन्दीरमा धुमधामका साथ मनाउने परम्परा रही आएको महेश सिंह धामीले जानकारी दिनु भयो ।

गएको वर्ष डा. केशव सिंह धामीले १ लाख भन्दा बढीको मन्दीरलाई आवश्यक पर्ने भाडा वर्तनहरुको ब्यवस्था गर्नु भएको थियो । वडा नं २ मा बिजय दशमीको घटस्थापनाको दिनमा राखिने जमरा घरमा नराखी मन्दीरमा राख्ने चलन छ । गाउँ भरिका मान्छेले मन्दीरमा जमरा राख्ने चलन छ । यस्तो सामाजिक परम्पराका कारण चाडवाडको रौनक नै फरक हुने र रमाइलो हुने सिंहले बताउनु भयो ।

बिभिन्न पेशा ब्यवसायमा आफनो जन्म ठाउभन्दा टाढा भएपनि आफनो गच्छे अनुसारको आफनो आस्थाको केन्द्रको बिकासमा सहयोग पुर्याउन आफनो दायित्व भएकोले सहयोग उपलब्ध गराएको सिंहले बताउनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।