ठोरीमा प्रहरी र हतियारधारी समुहवीच भिडन्त चार जना पक्राउ

10/15/2020 गते 00 00 मा प्रकाशित 1050 पटक पढिएको

पर्साको ठोरी गाउँ पालिका मा प्रहरी र हतियारधारी समूह बिच गएराती दोहोरो भिडन्त भएको छ । ठोरी गाउँ पालिका वार्ड नम्बर चार बिजयबस्ती नजिक भिडन्त भएको हो ।

बिजयबस्तीको बाटो हुँदै अबैध लागू औषध गाजा आइरहेको सूचनामा ईलाका प्रहरी कार्यालय ठोरी का प्रहरी निरीक्षक अशोककुमार साहको नेतृत्वमा प्रहरी टोली एम्बुस थापेर बसेको थियो ।

त्यही बेला चार जनाको संख्यामा रहेका हतियारधारी समूहले प्रहरी लाईनै लक्षित गरि फायर गरेको प्रहरी निरिक्षक साहले बताउनु भयो । प्रहरीले त्यसको जवाफमा दुई राउन्ड हवाई फायर गरि चारै जनालाइ पक्राउ गर्न सफल भएको छ ।

पक्राउ गरिएका व्यक्ति हरुको साथ बाट प्रहरीले चार राउन्ड गोलि र एकथान भरुवा बन्दुक समेत बरामद गरेको छ । पक्राउ गरिएका व्यक्तिहरु ठोरी गाउँ पालिका वार्ड नम्बर ४ विशाल चोकका रहेका छन ।

पक्राउ पर्नेहरुमा ठोरी गाउँपालिका–४ का ३४ वर्षीय कुमार लामा, ३५ वर्षीय सुन बहादुर लामा, ३२ वर्षीय बाबुराम लामा र २५ वर्षीय अमन लामा रहेका छन् ।

पर्साको ठोरी गाउँपालिका–४ औराही खोलाको बगरबाट १ नाल भरुवा बन्दुक, ४ राउण्ड गोली, १ सय ग्राम बारुद र एउटा खुकुरीसहित चार जनालाई बिहीबार बिहान पक्राउ गरेको हो ।

पक्राउ गरिएको चारै जनालाई आवश्यक कार्वाही को जिल्ला प्रहरी कार्यालय पर्सामा पठाइएको ईलाका प्रहरी कार्यालय ठोरी का प्रहरी निरीक्षक अशोक कुमार साह ले जानकारी दिनुभयो।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।