युवा समाजद्धारा वडाका समस्या बारे महानगर प्रमुखलाई ध्यानाकर्षण, आवश्यक पहल गरिने प्रमुखको भनाई

10/7/2020 गते 00 00 मा प्रकाशित 913 पटक पढिएको

बीरगंज महानगरपालिकाको वडा नं १४ पिपराको युवा समाजले बीरगंज महानगर प्रमुख बिजय कुमार सरावगीलाई वडाको समस्याको बारेमा ध्यानकर्षण गराएको छ ।

युवा समाजका अध्यक्ष अनिल पटेलको नेतृत्वमा गएको टोलीले शक्तिपिठ बौद्यिमाईको प्राङगणको पर्खाल लगाउने ,रंगारेगन गर्ने चौताराको मर्मत गर्नु पर्ने पुजारीको पूजापाठको खर्च ब्यवस्थापन तथा प्रोत्साहन भत्ताको ब्यवस्था गर्न आग्रह गरेको छ ।

टोलीले मन्दीर जानेबाटो सडक बत्ती ,मन्दीर नजिक रहेको पुरानो पोखरी ब्यवस्थित गरि छटघाट बनाउन तथा टोलमा फोहर फाल्नकालागि ड्रमहरुको ब्यवस्था गर्न समेत आग्रह गरेको छ ।

ध्यानाकर्षण पत्र मार्फत नालामा ह्यूमपाइप लगाउन आवश्यक ब्यवस्था मिलाईदिन टोलीले महानगर प्रमुखलाई आग्रह गरेको छ ।
जवाफमा महानगर प्रमुख सरावगीले आउदो शनिवार बिहान ८ बजे स्थलगत अवलोकन गर्ने हुनु भएको छ ।

स्थलगत अवलोकन बाट समस्यहरुको पहिचान गरि आवश्यक पहल गरिने महानगर प्रमुखले बताउनु भएको युवा समाजका कोषाध्यक्ष नरेन्द्र पटेलले जानकारी दिनु भयो । संस्थाका मुकेश पटेल बाबा त्रिलोकी र सरोज पटेल लगायत टोली बीरगंज महानगर गएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।