वीरगन्जबाट प्रसारण हुने एक रेडियोले स्टेशनमै आईशोलेसन बनाएर एफ.एम.प्रसारणलाई निरन्तरता दिएको छ । मध्य तराईको पहिलो सामुदायिक रेडियो नारायणी एफ.एम. १०३.८ मेगाहर्जका सञ्चारकर्मी, कर्मचारीहरुमा कोरोना संक्रमण देखिएपछि एफ.एम. स्टेशनलाई नै आईशोलेसन बनाएर प्रसारणलाई निरन्तरता दिएको हो ।

 रेडियोले  संक्रमित आफ्ना सञ्चारकर्मी तथा कर्मचारीलाई स्टेशनमै आईशोलेसन बनाएर प्रसारणलाई पनि निरन्तरता दिएको हो । कार्यक्षेत्रमा कार्यरत रहेको अवस्थामा सामुदायिक रेडियो नारायणी एफएम १०३.८ मेगाहर्जका कार्यरत स्टेशन प्रमुख सहित ७ जना रेडियोकर्मी संक्रमित भएका थिए । रेडियोका कार्यकारी अध्यक्ष गोविन्द देवकोटा अनुसार गत साउन १८ गते स्टेशन प्रमुख संक्रमित भएका थिए ।

उनी साउन १९ गते नै कोभिड अस्थायी अस्पताल हेल्थकेयरमा भर्ना भई १२ दिन पछि उनी कोरोना मुक्त भएर साउन ३० गते घर फर्किए । साउन २८ गते रेडियोका ५ जनाको परीक्षण गराउदा एकजना प्राविधिकलाई संक्रमण देखियो । अरु चार जनाको नेगेटिभ आएको थियो ।

त्यसपछि भदौ ४ गते गरिएको परीक्षणमा पाँचजनामा संक्रमण देखियो । अहिले ७ जना सञ्चारकर्मी, कर्मचारीहरु आइसोलेसनमा छन । “संक्रमित सवै साथीहरुलाई स्थानीय प्रशासनले फोन गरेर कोभिड अस्पतालमा लैजाने तयारी गरेपछि रेडियो वन्द हुने भयो यस्तो अवस्था आएपछि  तनावमा थिए रेडियोका अध्यक्ष देवकोटोले भन्नु भयो  रेडियोमा कार्यरत रहेको अवस्थामा संक्रमित भएपछि केही दिन अघिमात्र नेगेटिभ रिर्पोट आएका तीनजना साथिहरु समेत होम क्वारेन्टिनमा वस्नु प¥यो ।  नागरिकलाई पलपलमा सूचनाको खाँचो छ ।

यस्तो अप्ठारो स्थितिमा संक्रमण भएका पाँच जना साथीहरुले रेडियोमा आइसोलेशन वनाएर वस्ने र रेडियो संचालन गर्ने निर्णयमा पुग्नु भयो देवकोटाले भन्नु भयो  । मलाई उहाँहरुको भूमिकाप्रति गर्व महशुस भएको छ देवकोटाले भन्नु भयो “ उहाँले देखाउनु भएको साहस र हौसला प्रति नमन गर्न चाहन्छु ।”

सामुदायिक रेडियो प्रसारक संघ (अकोराब) का महासचिव समेत रहनु भएका एफएमका कार्यकारी अध्यक्ष देवकोटाले  “नेपालमा पहिलो पटक संक्रमितहरुले रेडियोमा रहेर नागरिकलाई सुचना दिने काम गर्नुभएको छ  र सामुदायिक रेडियोको मुल मर्म नै यहि हो ।

आफू जोखिममा रहेको अवस्थामा पनि संकटपूर्ण स्थितिमा रहेको समुदायलाई सुचना दिन वन्द गरिएन ।” सामुदायिक रेडियोहरुको भूमिका नै फरक रहेकोले समाजलाई सूचनाबाट बञ्चित हुन नदिनका लागि पनि स्टेशनलाई नै आईशोलेसन बनाएर प्रसारणलाई निरन्तरता दिनु समाजप्रतिको जिम्मेवारी भएको बताउनु भयो  । ८ जना सञ्चारकर्मी, कर्मचारीहरु अझै होम क्वारेन्टिनमा बसेका छन् ।

यस्तो जटिल परिस्थितिको सामाना गर्दै आइसोलेसनमा रहेका र होम क्वारेन्टिनमा रहेकाहरुले पनि रेडियोमा समाचार वनाएर पठाएको उहाँले बताउनु भयो । अहिले रेडियोको आइसोलेसनमा लेखा प्रशासन प्रमुख सहित दुई जना प्राविधिक, एकजना कार्यालय सहयोगी र समाचारमा शिवनाथ यादव रहेको उहाँले बताउनु भयो ।

गत भदौ ४ गते रेडियोमा कार्यरत मध्ये ६ जनाले परिक्षण गराउदा ५ जना संक्रमितको सूचिमा परेका थिए । संक्रमित भएपनि स्टेशन प्रमुख देखी सबैले खेलेको भूमिका प्रति एफएम संचालक समितिको तर्फबाट धन्यवाद व्यक्त गरेका छन । स्वंयम जोखिममा रहेर पनि संकटको घडीमा नागरिकलाई सूचना पुराउने काममा खेलेको भूमिका सदैव गर्व गर्न लायकको रहेको उनको भनाई छ ।

नेपाल पत्रकार महासंघ प्रदेश नम्बर २ का अध्यक्ष दीपेन्द्र चौहानले नारायणी एफएम र कार्यरत सञ्चारकर्मीहरुले खेलेको भूमिका समाजप्रतिको जिम्मेवारी र आफ्नो पेशाप्रतिको समपर्ण रहेको बताउनु भएको छ  । उहाँले भन्नुभयो , “आपूm संक्रमित भएर पनि समाजका लागि निरन्तर सूचना प्रवाह गर्न तल्लिन रहने रेडियो र रेडियोका सञ्चारकर्मीहरुको भूमिका अतुलनीय छ । यो शब्दमा वर्णन गर्नै नसकिने खालको छ । एफएमका सञ्चारकर्मीहरु पूज्यनीय छन् ।”