कोरोना संक्रमणबाट पर्सामा २२ को मृत्यु २ सय ४३ निको,३ सय २५ होम आइसोलेशनमा,४ सय ४३ आइसोलेशनमा

8/12/2020 गते 00 00 मा प्रकाशित 1338 पटक पढिएको

साउन २८ गते सम्म पर्सा जिल्लामा १ हजार १ सय ११ जनामा कोरोना संक्रमण पुष्टि भएको छ । पुष्टि भएका मध्य १५ जना भारतीय नागरिक रहेका छन ।

संक्रमीत हुनेमा ८० जना स्वास्थ्यकर्मी, ५७ सुरक्षाकर्मी, ४ जना पत्रकार, ८३ कैदी, थुनुवा , २० जना अस्पताल सफाइकर्मी पनि रहेका छन ।

अहिले सम्म कोभिड १९ को कारण १९ जनाको मृत्यु भएको छ । १ जना भारतीय एक जना बेवारिशे बाराका २ रौतहटका १ उक जना रहेका छन ।

बारा र रौतहटका समेत गरि पर्सामा कोरोना भाइरसको संक्रमणबाट मृत्यु हुनेको संख्या २२ पुगेको छ । मृतकहरू अधिकांश दीर्घ रोगी एव्ं अन्य कुनै स्वास्थ्य समस्या भएका देखिन्छन् ।

कतिपय मृत्यु भइसकेपछि कोभिड पुष्टि भएका छन् भने कतिपय अन्य उपचारको लागि अस्पताल डुलाउँदा डुलाउँदा मृत्यु भएका हुन । पर्सामा १४ हजार ८ सय ३४ जनाको कोरोना भाइरसको संक्रमणको पिसीआर परिक्षण भएको छ ।

संक्रमीतहरु मध्य बीरगंज हेल्थ केयर कोभिड अस्पतालमा १ सय २ पुरुष र १९ महिलालाई भर्ना गरिएको छ । त्यसतै गण्डक कोभिड अस्पतालमा १० महिला सहित ६५ जना रहेका छन ।

रानीखोरी सामुदायिक आइसोलेशन सेन्टरमा ३४ ,राणी सती धर्मशालामा ४१,बीरगंज सिद्धार्थ स्कूलमा ३२ ,बीरगंज कारागारमा ३८ ,अन्य आइसोलेशनमा ९४ र होम आइसोलेशनमा ३ सय २५ जना रहेको पर्साका निमित्त प्रमुख जिल्ला अधिकारी ललित कुमार बस्नेतले जानकारी दिनु भयो ।

कोरोना संक्रमीत ३ सय २५ जना होम आइसोलेशनका नाममा आइसोलेशन भन्दा बाहिर रहनु नै पर्साकोलागि कोरोना संक्रमणलाई नियन्त्रण गर्ने चुनौती बनेको छ ।

होम आइसोलेशनको मापदण्ड पालना भए नभएको बारेमा अनुगमन हुन सकेको छैन । संक्रमीतहरुले पसल संचालन गरेको हाट बजारमा निस्किएको जस्ता कुराहरु सामाजिक संजालमा पोष्ट भइरहेका छन । यस्तो अवस्थामा थप आइसोलेशन वार्डको निर्माण आवश्यक रहेको छ ।

पर्सामा कोरोना भाइरसबाट संक्रमीतहरु मध्य १ सय ९८ पुरुष र ४३ महिला गरि २ सय ४३ जना निको भएर घर फकिएका छन । पर्साका १ हजार २ सय ४५ क्वारेन्टिन बेड संख्या रहेकोमा अहिले पनि १ सय २ पुरुष र ३७ महिला गरि १ सय ३९ जना क्वारेन्टिनमा रहेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।